ہند پاکستان دو طرفہ مسائل طے کرنے کے لیے مذاکرات کریں: امریکہ کی تلقین

واشنگٹن: امریکہ نے ہندوستان اور پاکستان کو تلقین کی ہے کہ وہ سر جوڑ کر بیٹھیں اور ان مسائل و تنازعات کو دور کرنے کے لیے مذاکرات کریں جو جنوب ایشیا کے دو ایٹمی مسلح پڑوسیوں کے درمیان کشیدگی کا باعث ہیں۔
امریکی محکمہ خارجہ کی ترجمان ہیتھرنوویرٹ نے اپنی ایک پریس کانفرنس میں ہندوستان اور پاکستان کے درمیان گذشتہ کئی ہفتوں سے تسلسل سے ہو رہی زبردست فائرنگ و گولہ باری کا ذکر کرتے ہوئے کہا کہ ہم سمجھتے ہیں کہ فریقین کو مذاکرات کی میز پر آجانا چاہیے ۔
اس سے قبل ہندوستانی میڈیا خبر دے چکا ہے کہ افغانستان میں کابل کانفرنس میں ہندوستان اور پاکستان کے خارجہ سکریٹریوں میں بالمشافہ ملاقات ہو سکتی ہے۔

Read all Latest world news in Urdu at urdutahzeeb.com. Stay updated with us for Daily urdu news from world and more news in Urdu. Like and follow us on Facebook

Title: Washington urges delhi islamabad to hold talks in Urdu | In Category: دنیا World Urdu News
What do you think? Write Your Comment