کوریائی جزیرہ نما میں امریکہ، جنوبی کوریا اور جاپان کی تین روزہ مشترکہ فوجی مشقیں شروع

سیول:شمالی کوریا کی ہٹ دھرمی اور آئے روز اس کے میزائل تجربوں اور ممکنہ حملے سے نمٹنے کے حوالے سے امریکہ ، جاپان اور جنوبی کوریا نے3روزہ مشترکہ فوجی مشقیں شروع کر دی ہیں۔جنوبی کوریا کی وزارت دفاع کے مطابقملک کے جنوبی ساحلوں پر ہونے والی مشترکہ فوجی مشقوں میں ہزاروں فوجی اہلکار حصہ لے رہے ہیں۔
ان مشقوں میں جنگی بحری جہاز ، لڑاکا طیارے اور ہیلی کاپٹر بھی شریک ہیں۔وزارت دفاع کے بیان میں بتایا گیا ہے کہ مشترکہ فوجی مشقوں کا مقصد شمالی کوریا کی طرف سے کسی ممکنہ عسکری حملے کا موثر جواب دینے کی تیاری کرنا ہے۔یاد رہے کہ شمالی کوریا یکے بعد دیگر جوہری اور بیلسٹک میزائیل کے کامیاب تجربے کر رہا ہے جبکہ دوسری جانب امریکہ، اقوام متحدہ اور دیگر کئی ممالک نے ان تجربات کی مذمت کی ہے نیز عالمی طاقتوں نے شمالی کوریا کے خلاف پابندیوں کا اعلان بھی کر رکھا ہے۔
اس کے باوجود شمالی کوریا جوہری اور بیلسٹک میزائیل کو اپنا حق سمجھتا ہے اور وہ ان تجربات سے دستبردار ہونے کو تیار نہیں۔ واضح رہے کہ شمالی کوریا کے سابق سفیر تھائی یونگ نے کہا ہے کہ امریکہ پر ایٹمی حملے کی ہماری تیاری مکمل ہے۔ جس سےشمالی کوریا اور امریکہ کے مابین بڑھتی ہوئی کشیدگی نئے موڑ لے رہی ہے۔

Read all Latest world news in Urdu at urdutahzeeb.com. Stay updated with us for Daily urdu news from world and more news in Urdu. Like and follow us on Facebook

Title: South korea japan us start 3 day joint exercise on korean peninsula in Urdu | In Category: دنیا World Urdu News

Leave a Reply