وزیر اعظم مودی نے ٹرمپ کو مع اہل و عیال ہندوستان آنے کی دعوت دی

واشنگٹن:وزیراعظم نریندر مودی نے امریکہ کے صدر ڈونالڈ ٹرمپ کو ہندوستان آنے کی دعوت دی ہے،جسے انہوں نے تہہ دل سے قبول کرلیا اور وہ جلد ہی ہندوستان کے دورے پر جائیں گے۔ یہاں جاری مشترکہ بیان میں بتایا گیا کہ مسٹر ٹرمپ نے مسٹر مودی کی دعوت کوبخوشی قبول کیا او رباہمی دوستی کے جذبے سے کام کرنے کے عزم کا اظہار کیا ہے۔
امریکی صدر کے دفتر وائٹ ہاؤس میں وفد سطح کی بات چیت کے بعد نامہ نگاروں سے بات چیت میں مسٹر مودی نے کہا کہ انہوں نے مسٹر ٹرمپ اور ان کے خاندان کو ہندوستان آنے کی دعوت دی ہے۔انہوں نے کہا”امید ہے کہ آپ مجھے ہندوستان میں استقبال اور میزبانی کا موقع دیں گے۔“ دونوں رہنماؤں کے درمیان یہ پہلی دو طرفہ ملاقات تھی۔ مسٹر ٹرمپ نے مسٹر مودی کی باربار تعریف کی اور انہیں عظیم وزیراعظم کہہ کر خطاب کیا۔

Read all Latest world news in Urdu at urdutahzeeb.com. Stay updated with us for Daily urdu news from world and more news in Urdu. Like and follow us on Facebook

Title: Pm modi invites president donald trump to india with family in Urdu | In Category: دنیا World Urdu News

Leave a Reply