سنگا پور کے وزیر اعظم نے بورس جانسن کو زبردست جیت پر مبارکباد دی


سنگا پور: وزیر اعظم لی سین لونگ نے اپنے برطانوی ہم منصب کو عام انتخابات میں شاندار کامیابی حاصل کرنے پر ،جس سے بورس جانسن زبردست اکثریت کے ساتھ اقتدار میں واپس آگئے،دلی مبارکباد دی ہے۔ انہوں نے اپنے پیغام مبارکباد میں کہا کہ آپ جس طرح یورپی یونین کے ساتھ مستقبل کے اپنے تعلقات کی بابت اور جنوب مشرقی اشیا سمیت دیگر شراکت داروں سے تعلقات بڑھانے پر تبادلہ خیال کر رہے ہیں مجھے امید ہے کہ برطانیہ آزاد تجارت ، کثیر جہتی تجارت اور مبنی بر قوانین بین الاقوامی نظام کا زبردست حامی اور وکیل رہے گا۔دونوں ممالک کے درمیان مستحکم تعلقات کا خصوصی ذکر کرتے ہوئے وزیر اعظم لی نے کہا کہ سنگا پور۔یو کے پارٹنر شپ برائے مستقبل کے شروع ہونے کے بعد سے ڈیجیٹل گورنمنٹ، سائبر سیکورٹی اور گرین فنانس جیسے شعبوں سمیت کئی اقدامات کامیاب رہے ہیں ۔وزیر اعظم نے مزید کہا کہ وہ آئندہ سالوں میں دو طرفہ رشتوں کو اور بھی مضبوط کرنے آپ کے ساتھ کام کرنے کا متمنی ہوں۔جمعرات کو ہونے والے عام انتخابات کے نتائج اور رجحان سے محسوس ہونے لگا ہے کہ بورس جانسن کی کنزر ویٹیو پارٹی650میں364سیٹیں جیت لے گی۔یہ کسی وزیر اعظم کی 1987میں اس وقت کی وزیر اعظم مارگریٹ تھیچر کے بعد پہلی اتنی زبردست جیت ہے۔

Read all Latest world news in Urdu at urdutahzeeb.com. Stay updated with us for Daily urdu news from world and more news in Urdu. Like and follow us on Facebook

Title: Pm lee hsien loong congratulates britains boris johnson for landslide election win in Urdu | In Category: دنیا World Urdu News
What do you think? Write Your Comment

Leave a Reply

Your email address will not be published.