نیپال کی نئی حکومت چین کے ساتھ ہوئے تمام معاہدوں پر عمل آوری کریگی

کاٹھمنڈو:کمیونسٹ پارٹی آف نیپال (ماؤنواز ) کے صدر پشپ کمل دہل پرچنڈ نے آج نیپال میں تعینات چین کے سفیر بو چنتائی کو یقین دلایا کہ ان کے ملک میں قائم ہونے والی نئی حکومت سابقہ حکومت کے چین کے ساتھ کئے گئے تمام معاہدوں کو نافذ کرے گی۔
مسٹر پرچنڈنے چینی سفیر سے ملاقات کے دوران کہا کہ نیپال کی نئی حکومت کی تشکیل آئندہ چند دنوں میں کر لی جائے گی اور حکومت چین کے ساتھ کئے گئے تمام سمجھوتوں کو نافذ کرے گی۔
انہوں نے کہا کہ موجودہ حکومت نے چین کے ساتھ جو بھی معاہدے کئے ہیں ان کی پہل ان کی قیادت والی پیشرو حکومت نے کی تھی۔ انہوں نے کہا کہ نئی حکومت کی ترجیحات میں ملک کے نئے آئین کو نافذ کرنے، تعمیر نو کے کاموں کو آگے بڑھانے اور ترقی کے نئے منصوبوں کو جلد شروع کرنا شامل ہوگا۔
چینی سفیر نے کہا کہ حکومت کی تشکیل نیپال کا اندرونی معاملہ ہے اور چین کی حکومت نیپال کی نئی حکومت کے ساتھ تعاون کرے گی۔

Read all Latest world news in Urdu at urdutahzeeb.com. Stay updated with us for Daily urdu news from world and more news in Urdu. Like and follow us on Facebook

Title: New govt will implement nepal china agreements in Urdu | In Category: دنیا World Urdu News

Leave a Reply