حقوق انسانی کا ڈھنڈورہ پیٹنے والے ممالک میانمارمیں خونریزی پرکیوں ہونٹ سیئے بیٹھے ہیں: رہبر اعلیٰ خامنہ ای

تہران:ایران کے سپریم لیڈر سید علی خامنہ ای نے آج اپنے ایک اہم خطاب میں میانمار کے دلخراش اور اندوہ ناک واقعات کے حوالے سے میانمار میں ہونے والے دلخراش واقعات اور انسانیت کے قتل عام پر خاموش رہنے والے عالمی اداروں اور حقوق بشر کا ڈھنڈورا پیٹنے والی تنظیموں پر کڑی تنقید کی۔ انہوں نے کہا کہ اس مسئلے کا حل یہ ہے کہ مسلمان ممالک عملی قدم اٹھائیں اور بے رحم میانمار حکومت پر سیاسی اور اقتصادی دباو بڑھائیں۔ انہوں نے کہا کہ میانمار کے واقعات امن کے نوبل انعام کی موت ہے۔
انہوں نے مزید کہا کہ اسلامی جمہوریہ ایران کو چاہیے کہ دنیا میں ہر جگہ ہونے والے ظلم کے خلاف اپنا جلد اور بہادرانہ موقف واضح کرے۔ایران کے سپریم لیڈر نے کہا: اتنے بڑے قتل عام کو مسلمانوں اور بودائیوں کے درمیان ایک جھڑپ کہنا بالکل غلط اور انتہا درجے کی بے شرمی ہے۔ انہوں نے کہا کہ اس واقعہ میں ممکن ہے کہ مذہبی تعصب کار فرما ہو لیکن یہ واقعہ ایک سیاسی جرم ہے۔ کیونکہ اس میں میانمار کی حکومت براہ راست ملوث ہے۔ ان سب میں وہ بے رحم عورت بھی سر فہرست ہے جو امن کا نوبل انعام حاصل کر چکی ہے۔ ان واقعات نے امن کے نوبل انعام کی اہمیت کو داغ دار کر دیا ہے۔
سید علی خامنہ ای کا کہنا تھا کہ میانمار کی بے رحم حکومت کی سرپرستی میں یہ ہولناک واقعات مسلمان حکومتوں ، عالمی اداروں ، جھوٹی ریاکار ریاستوں ، حقوق بشر کے جھوٹے دعوے کرنے والوں کی آنکھوں کے سامنے ہو رہے ہیں۔ اقوام متحدہ کی جانب سے میانمار میں ہونے والے ظلم و ستم پر صرف ایک مذمتی قرارداد پاس کرنے پر آیت اللہ خامنہ ای نے کہا: کہاں ہیں وہ حقوق بشر کا ڈھنڈورا پیٹنے والے جو کبھی تو کسی ایک ملک میں ایک مجرم کو سزا دلوانے کی خاطر آسمان سر پر اٹھا لیتے ہیں آج میانمار میں لاکھوں افراد کے قتل عام اور ملک بدری پر خاموش تماشائی بنے بیٹھے ہیں؟مسلمان حکومتوں کی جانب سے عملی قدم اٹھانے کے حوالے سے آیت اللہ خامنہ ای نے کہا: عملی قدم سے مراد لشکر کشی نہیں بلکہ میانمار کی حکومت پر سیاسی ، اقتصادی اور تجارتی دباو کو بڑھانا مراد ہے۔
نیز اس قتل و غارت کے خلاف عالمی اداروں میں ا?واز اٹھائی جائے۔انہوں نے تاکید کرتے ہوئے کہا کہ اس وقت میں میانمار کی طرف سے ہونے والے ظلم کے خلاف اسلامی سربراہی کانفرنس کا فوری انعقاد ضروری ہے۔ انہوں نے کہا: ا?ج دنیا میں بے انتہا ظلم ہو رہا ہے۔ ان حالات میں اسلامی جمہوریہ ایران کو چاہیے کہ دنیا میں کسی بھی جگہ پر ہونے والے ظلم کے خلاف آواز بلند کرے اور بہادری کے ساتھ اپنا موقف واضح کرے۔ چاہے یہ ظلم صہیونی ریاست کی جانب سے فلسطین میں ہو رہا ہے یا یمن، بحرین اور میانمار میں ہو رہا ہے ، شجاعت کے ساتھ اس کی مخالفت کی جانی چاہیے۔

Read all Latest world news in Urdu at urdutahzeeb.com. Stay updated with us for Daily urdu news from world and more news in Urdu. Like and follow us on Facebook

Title: Myanmar crackdown marks death of nobel irans khamenei in Urdu | In Category: دنیا World Urdu News

Leave a Reply