ایرانی پارلیمنٹ میں امریکی دہشت گردی کا مقابلہ کرنے کا بل منظور

تہران:ایرانی پالیمنٹ نے خطے میں امریکہ کے دہشت گردانہ اقدامات اور مہم جوئی کو روکنے کے بل کی منظوری دی ہے۔ ایرانی پارلیمنٹ کے اسپیکر ڈاکٹر علی لاریجانی نے بل کی منظوری کے بعد کہا ہے کہ امریکہ کو ایرانی پارلیمنٹ اراکین کے پیغام کو سنجیدگی سے سننا چاہئے۔ ان کا کہنا ہے یہ بل ایرانی پارلیمنٹ کی جانب سے امریکہ کے خلاف جدوجہد میں پر عزم ہونے کی نشانی ہے۔
ایرانی اسپیکر نے امریکہ کے ایران مخالف اقدامات کا تذکرہ کرتے ہوئے کہا ہے کہ ایرانی پارلیمنٹ امریکی اقدامات کا ڈٹ کر مقابلہ کرے گی۔ اراکین پارلیمنٹ نے خطے میں امریکہ کے دہشت گردانہ اقدامات کے خلاف قانونی کارروائی سے متعلق بل کی منظوری کے موقع پر امریکہ مردہ باد کے نعرے بھی لگائے ہیں۔واضح رہے کہ امریکی کانگریس نے حال ہی میں ایران کے خلاف نئی پابندیوں کی منظوری دی ہے اور ایرانی پارلیمنٹ نے یہ بل ایران کے خلاف امریکی کانگریس میں وضع کی جانے والی حالیہ پابندیوں کے جواب میں منظور کیا گیا ہے۔

Read all Latest world news in Urdu at urdutahzeeb.com. Stay updated with us for Daily urdu news from world and more news in Urdu. Like and follow us on Facebook

Title: Iranian parliament passes bill aimed at countering american terrorism in Urdu | In Category: دنیا World Urdu News

Leave a Reply