ایران نے شام کی حکومت اور عوام کی حمایت جاری رکھنے کا اعادہ کیا

تہران:ایران کی مسلح افواج کے نائب سربراہ بریگیڈیر جنرل مسعو د جزائری نے ایران کے اس ٹھوس موقف کا اعادہ کیا کہ وہ حکومت شام اور شامی عوام کی دہشت گردی کے خلاف جنگ میں حمایت جاری رکھے گا۔ایرانی خبر ایجنسی مہر کو اپنے ایک بیان میں جنرل جزائری نے امریکہ کی توسیع پسندانہ پالیسیوں کو خطہ میں سرایت کرنے سے روکنے کے لیے صدر بشار الاسد کی حکومت اور شام کے عوام کی مزاحمت کی حمایت جاری رکھنے کے عہد کی تجدید کی۔اور اس پر اصرار کیا کہ ایران میں اسلامی انقلاب کا پیغام ظالم سے مظلوم کو بچانے کا ہے۔انہون نے انتباہ دیا کہ اپنے خلاف کسی بھی فوجی جارحیت کے خلاف ایران کی جوابی کارروائی ایسی نہایت سخت اور غیر متوقع ہو گی کہ دشمن ٹاپتا رہ جائے گا اور اس وقت کو کوسے گا جب اس نے ایران کے خلاف فوجی جارحیت کی تھی۔ایرانی نائب سربراہ نے کہا کہ امریکہ خلیج میں اپنے50جنگی جہازوں اور اس کے حلیفوں کے 13جنگی جہازوں کی موجودگی کے باوجود ایران پر فوجی چڑھائی کرنے کے قابل نہیں ہے ۔

Read all Latest world news in Urdu at urdutahzeeb.com. Stay updated with us for Daily urdu news from world and more news in Urdu. Like and follow us on Facebook

Title: iran re affirms support to syrian people and government in Urdu | In Category: دنیا  ( world ) Urdu News

Leave a Reply