یروشلم پر ٹرمپ کے فیصلے کو ناکام بنانے کے لیے تمام تر قوت بروئے کار لائیں گے:حماس سربراہ

غزہ: حماس کے سربراہ اسماعیل ہانیہنے حماس کے30ویں یوم تاسیس کی تقریب میں ہزاروں فلسطینیوں بشمول سیکڑوں بندوق برداروں سے خطاب کرتے ہوئے کہا ہے کہ بیت المقدس کو اسرائیل کا دارالخلافہ بنانے کے حوالے سے امریکی صدر کے حالیہ فیصلے کو پسپا کرنے کے لئے اپنی پوری توانائیوں کو بروئے کار لائیں گے۔
انہوں نے کہا ہے کہ حماس کبھی غاصب صہیونی ریاست اسرائیل کو تسلیم نہیں کرے گی جبکہ ہماری نظر میں اسرائیل نام کے کسی ملک کا وجود ہی نہیں جس کے لئے کسی شہر کو دارالحکومت قرار دیا جائے۔اسماعیل ہنیہ نے مزید کہا ہے کہ ان کی تنظیم امریکی صہیونی سازش کے مقابلے کی غرض سے خطے میں ایک مضبوط اور طاقتور اتحاد کے قیام کی کوشش کر رہی ہے جبکہ حماس اندرون ملک قومی آشتی کی خواہاں ہے ہم چاہتے ہیں کہ ٹرمپ کے قدس مخالف فیصلے کے خلاف ٹھوس اور مشترکہ موقف اپنانے کے لئے قومی آشتی کو فی الفور یقینی بنایا جائے۔
حماس کے سربراہ اسماعیل ہنیہ نے مسلم اقوام سے اپیل کی ہے کہ وہ فلسطین اور بیت المقدس کی خاطر اپنے تمام اختلافات کو بالائے طاق رکھ کر آپس میں متحد ہو جائیں۔واضح رہے کہ اسلامی مزاحمتی تحریک حماس نے جمعرات کو اپنا تیسواں یوم تاسیس منایا اور غزہ کے الکتیبہ اسکوائر پر ایک شاندار تقریب منعقد کی ہے جس میں ہزاروں فلسطینی شہریوں نے شرکت کی ہے۔

Read all Latest world news in Urdu at urdutahzeeb.com. Stay updated with us for Daily urdu news from world and more news in Urdu. Like and follow us on Facebook

Title: Hamas will reverse trumps jerusalem move leader tells gaza rally in Urdu | In Category: دنیا World Urdu News
What do you think? Write Your Comment