پولینڈ جرمنی کے ساتھ تعلقات و تعاون کو مستحکم بنانے کے لیے پر عزم : سڈلو

وارسا:پولینڈ کی وزیر اعظم بیاتاسڈلو نے آج دارالحکومت وارسا میں جرمنی کی چانسلر اینجیلا مرکل سے ملاقات کی۔ جرمن چانسلر سے ملاقات کرنے کے بعد مشترکہ پریس کانفرنس میں محترمہ سڈلو نے کہا کہ پولینڈ جرمنی کے ساتھ اپنے دوطرفہ تعلقات اور تعاون کو مضبوط بنانے کے لئے پرعزم ہے۔
محترمہ سڈلو نے کہا کہ ان کا خیال ہے کہ یورپی منصوبوں کی کامیابی کے لئے پولینڈ اور جرمنی کے درمیان بہتر تعلقات اور تعاون کی ضرورت ہے۔
محترمہ سڈلو نے کہا کہ یورپی یونین میں پولینڈ اور جرمنی کے لئے ایک ساتھ مل کر کام کرنے کے بہت سے امکانات ہیں۔ اس ملاقات کے دوران پولینڈ کی وزیر اعظم نے بالٹک سمندر میں مجوزہ گیس پائپ لائن پر اپنی نا اتفاقی کا بھی اظہار کیا ہے۔

Title: german polish leaders highlight ties | In Category: دنیا  ( world )

Leave a Reply