اردوغان پھر صدر منتخب،ان کی پارٹی کوبھی زبردست کامیابی حاصل

انقرہ: ترکی کی تاریخ میں پہلی بار بیک وقت ہونے والے صدارتی و پارلیمانی انتخابات میں ترک صدر رجب طیب اردوغان نے انفرادی اور ان کی جسٹس اینڈ ڈیولپمنٹ پارٹی(اے کے پی) نے اجتماعی طور پر زبردست کامیابی حاصل کی۔

رجب طیب اردوغان ایک سخت مقابلہ کے بعد اپنے قریب ترین حریف وریپبلکن پیپلز پارٹی( سی ایچ پی) کے امیدوار محرم انسے کو2 2فیصد ووٹ کے فرق سے ہرا کراپنے15سالہ دور قتدار کو 2022تک توسیع دے دی۔اردوغان نے اپنے انتخاب کے بعد استنبول میں اپنی رہائش گاہ کی بالکنی سے عوام سے خطاب کرتے ہوئے کہا کہ آپ لوگوں نے ایک بار پھر مجھے صدارتی ذمہ داریاں نبھانے کے لیے منتخب کیا ہے جس کے لیے وہ ان کی شکر گذار ہیں۔

انہوں نے اس عزم کا اظہار کیا کہ نیا صدارتی نظام تیزی کے ساتھ نافذ کیا جائے گا۔ انہوں نے88فیصد ووٹنگ کی نشاندہی کرتے ہوئے کہا کہ ترکی نے پوری دنیا کو جمہوریت کا ایک سبق دیا ہے۔

اردوغان نے 52.5ا فیصد اور انسے کو31.5ووٹ پائے۔اردوغان کی فتح کا اعلان سنتے ہی پورے ترکی، خاص طور پر استنبول اور انقرہ میں زبردست خوشیاں منائی گئیں جہاں ہزاروں کی تعداد میں اردوغان حامیپرچم لہراتے استنبول میں اردوغان کی رہائش گاہ اور انقرہ میں اردوغان زندہ باد اے کے پی پائندہ باد کے نعرے لگاتے ہوئے پارٹی کے ہیڈ کوارٹرکے باہر جمع ہو گئے ۔صدارتی انتخاب میں 6امیدوا ر میدان میں تھے۔کرد پیپلز ڈیموکریٹک پارٹی (ایچ ڈی پی) کے صلاح الدین دیمرتاس 8فیصد ووڑٹوں کے ساتھ تیسرے اورگڈ پارٹی کے معراج اکسیر سات فیصد ووٹ لے کر چوتھے نمبر پر رہے۔

وزیر اعظم بن علی یلدرم نے انقرہ میں اپنے حامیوں سے خطاب کیا اور شہداءنوجوان ووٹروں ، خواتین اور اردوغان کی حمایت کرنے والی ایک ایک شخص کو مخاطب کر کے کہا کہ ”خدا آپ سب پر رحمتوں کی بارش کرے۔آج کا دن خوشیاں منانے کا دن ہے، ترکی کا دن ہے ۔ یہ دن81ملین لوگوں کا دن ہے ۔ آج کے دن کوئی شکست خوردہ نہیں ہے۔

انتخابی مہم کے دوران جھگ؟ڑے اخلافات سب قصہ پارینہ بن چکے ہیں۔ماضی گذر چکا ہے اب ترقی کے نئے زینے طے کرنا ہیں۔یہ وقت باہمی اختلافات بالائے طاق رکھ کر متحد ہو کر آگے بڑھنے کا ہے ۔ اور یہ وقت ایک دوسرے کو گلے لگانے کا ہے۔

Read all Latest world news in Urdu at urdutahzeeb.com. Stay updated with us for Daily urdu news from world and more news in Urdu. Like and follow us on Facebook

Title: Erdogan re elected president in Urdu | In Category: دنیا World Urdu News

Leave a Reply