ترک صدر اردوغان کی پاکستانی و ایرانی ہم منصبوں سے ملاقات،علاقائی صورت حال اور دو طرفہ تعلقات پر تبادلہ خیال

آستانہ(قازقستان ):صدر مملکت ممنون حسین اور ترک صدر رجب طیب اردوگان کے درمیان آستانہ میں ایک اہم ملاقات ہوئی ہے۔ ملاقات میں دونوں رہنماوں نے دوطرفہ تعلقات سمیت خطے کی سیاسی صورت حال پر تفصیلی گفتگو کی ہے۔ اس موقع پر صدر مملکت ممنون حسین نے کہا ہے کہ پاکستان کو ترکی کے ساتھ دوستی پر فخر ہے جبکہ دونوں ممالک نے ہر مشکل وقت میں ایک دوسرے کو سہارا دیا ہے۔ انہوں نے مزید کہا ہے کہ پاکستان نے دہشت گردی کے خلاف جنگ میں بے پناہ قربانیاں دی ہیں جنہیں عالمی سطح پر تمام ممالک کو تسلیم کرنا چاہئے۔
ملاقات میں ترک صدر رجب طیب اردوگان نے کہا ہے کہ دہشت گردی کے خلاف پاکستانی حکومت اور عوام کی خدمات تاریخی ہیں جبکہ خطے میں امن و امان کے قیام اور استحکام کے لئے پاکستان کی قربانیاں قابل تعریف ہیں۔ انہوں نے پاکستان کے ساتھ مکمل یکجہتی کا اظہار کرتے ہوئے حمایت کا اعادہ کیا ہے۔ صدر مملکت ممنون حسین اور ترکی کے صدر کا کہنا تھا کہ افغانستان کے مسئلے کا حل پاکستان کے بغیر ممکن نہیں ہے جبکہ دونوں رہنماؤں کا کہنا تھا کہ روہنگیا مسلمانوں کے حقوق کے تحفظ کے لیے دنیا کے ہر فورم پر آواز اٹھانے کی ضرورت ہے۔

Read all Latest world news in Urdu at urdutahzeeb.com. Stay updated with us for Daily urdu news from world and more news in Urdu. Like and follow us on Facebook

Title: Erdogan meets irans rouhani pakistani president in astana in Urdu | In Category: دنیا World Urdu News
Tags: ,

Leave a Reply