جنوبی تھائی لینڈ میں بم دھماکہ، تین پولس اہلکاروں کی موت

بنکاک:جنوبی تھائی لینڈ کے صوبہ یالا میں آج ایک بم اور بندوق کے حملے میں تین پولس اہلکاروں کی موت ہوگئی اور دو دیگر زخمی ہوگئے۔ جنوبی تھائی لینڈ کے اس صوبہ میں علاحدگی پسند مسلم انتہاپسند سرگرم ہیں۔ یہ حملہ گھات لگا کر کیا گیا تھا۔
اطلاع کے مطابق پولس اہلکار اپنی دو پک اپ گاڑیوں میں سفر کررہے تھے، جب ان کی پہلی گاڑی سڑک کے کنارے نصب بم دھماکے سے اڑا دی گئی۔ پولس لیفٹننٹ کولونل چمنم بھٹپکڈی نے رائٹر کو بتایا کہ حملہ آوروں نے اس وقت سڑک کنارے نصب بم کا دھماکہ کیا جب پولس کی گاڑی وہاں سے گزررہی تھی، جس میں تین افسران کی موقع پر ہی موت ہوگئی۔
انہوں نے بتایا کہ بم دھماکہ کے بعد حملہ آور جنگجوؤں نے دوسری گاڑی پر فائرنگ شروع کردی جس میں دو افسران زخمی ہوگئے۔ جن میں سے ایک کی حالت نازک ہے۔

Read all Latest world news in Urdu at urdutahzeeb.com. Stay updated with us for Daily urdu news from world and more news in Urdu. Like and follow us on Facebook

Title: Bomb kills three thai police officers in southern ambush in Urdu | In Category: دنیا World Urdu News

Leave a Reply