یوراج سنگھ اور دھونی نے ایک دوسرے کی خوب تعریفیں کیں

نئی دہلی: (یو این آئی) ہندوستانی کرکٹ ٹیم کی دو مشہور ہستیاں مہندر سنگھ دھونی اور یوراج سنگھ کے درمیان بھلے ہی رشتوں کو بہت اچھا نہیں سمجھا گیا ہو لیکن یوراج نے ہندستان۔اے اور انگلینڈ کے درمیان میچ میں سابق کپتان کی نہ صرف دل کھول کرتعریف کی بلکہ شائقین کے ساتھ ایک ویڈیو ا پ لوڈ کرکے اپنی دوستی کا بھی اظہار کیا۔ انگلینڈ کے خلاف محدود اووروں کی سیریز سے عین قبل کپتانی چھوڑنے والے دھونی نے انگلینڈ اور ہندستان۔اے کے درمیان کھیلے گئے پریکٹس میچ میں نصف سنچری لگای تھی۔
اس کے بعد یوراج نے اپنے ٹوئٹر اکاؤنٹ پر ایک ویڈیو پیغام پوسٹ کیا جس میں سابق کپتان اور وہ ساتھ دکھائی دے رہے ہیں۔ ویڈیو میں تجربہ کار آل راؤنڈر یوراج دھونی کے کندھے پر ہاتھ رکھ کر کھڑے ہیں جس کے نیچے لکھا ہے”آپ کا کیریئر بطور کپتان بہت اچھا رہا جس میں تین بڑی فتوحات، دو ورلڈ کپ، اب پرانے دھونی کو دیکھنے کا وقت ہے“۔ اس ویڈیو میں دونوں ہی کھلاڑی ایک دوسرے کی کرکٹ میں ان کی شراکت اور کارکردگی کے لئے تعریف کر رہے ہیں۔ دونوں ویڈیوز میں جس طرح سے ایک دوسرے کے قریب دکھائی دے رہے ہیں اس نے ان دونوں کے تلخ رشتوں پر سوال اٹھانے والے لوگوں کو بھی جواب دیا ہے۔بڑے ہی مزے کے موڈ میں یوراج ساتھ ہی دھونی سے ان کے بطور کپتان اب تک کے سفر کو لے کر بھی سوال پوچھتے نظر آرہے ہیں۔
دھونی بھی اپنے ہی عام انداز میں یوراج کا جواب دے رہے ہیں۔ اپنے اس پیغام میں یوراج نے ہندوستانی کرکٹ کی کامیابی کے لئے بھی دھونی کی ستائش کی۔ اپنے ویڈیو میں پہلے یوراج نے دھونی سے ان کی کپتانی کے سفر سے متعلق سوال کیا اور دھونی نے اس کا جواب دیتے ہوئے کہا کہ میرا سفر بہت ہی اچھا رہا، بہترین۔ٹیم میں تمہارے (یوراج) جیسے کھلاڑیوں کا ہونا سود مند رہا کیونکہ اس سے میرا کام آسان ہو گیا۔ میں نے اپنے 10 برسوں کا پورا مزہ اٹھایا اور امید ہے کہ آنے والا جو بھی وقت میرے پاس ہے میں اس کا بھی مزہ اسی طرح سے لوں گا۔“35 سالہ دھونی پہلے ہی ٹیسٹ کرکٹ سے ریٹائرمنٹ لے چکے ہیں اور اگلے ہفتے سے شروع ہونے جا رہی انگلینڈ کے خلاف ون ڈے میچوں کی سیریز سے ٹھیک پہلے انہوں نے کپتانی کو بھی چھوڑنے کا فیصلہ کرکے سب کو چونکا دیا۔اب تینوں فارمیٹس کی کپتان وراٹ کوہلی کے پاس ہے۔ یوراج نے پھر کہا “یہ اب تک کےسب سے بہترین کپتان ہیں اور میں آپ سب کو بتانا چاہتا ہوں کہ ان کی کپتانی میں مجھے کھیل کر بہت مزہ آیا۔
ہم نے تین بڑی چیمپئن شپ جیتیں، ورلڈ کپ جیتا اور نمبر ایک ٹیسٹ ٹیم بھی بنے۔” اپنی تعریف کے درمیان دھونی نے یوراج کو ٹوکتے ہوئے کہا “شکریہ، میں نے بھی آپ کے چھ چھکے دیکھے ہیں۔’پھر آل راؤنڈر نے جواب دیا” آپ کا شکریہ، مجھے آخری وقت میں ہمیشہ اس طرح کا موقع دینے کے لئے شکریہ۔“ اپنے سوالوں کے درمیان پھر سے یوراج نے سوال پوچھا کہ اب آپ کپتان نہیں ہیں تو کیا آپ اور چھکے لگائیں گے۔اس پر وکٹ کیپر بلے باز نے اپنے جواب میں کہا کہ دیکھتے ہیں اگر بولر میرے علاقے میں گیند ڈالیں گے، پوزیشن صحیح ہوگی تو میں ضرور اور چھکے ماروںگا۔“ ون ڈے سیریز سے پہلے پریکٹس میچ میں ہندوستان اے اور انگلینڈ کے درمیان ہوئے میچ میں میزبان ٹیم یہ میچ تین وکٹ سے ہار گئی لیکن اس میں دھونی نے 40 گیندوں میں ناٹ آؤٹ 68 رن اور یوراج نے 48 گیندوں میں 56 رن کی نصف سنچری اننگز کھیل کر دادوتحسین حاصل کی۔

Read all Latest sports news in Urdu at urdutahzeeb.com. Stay updated with us for Daily urdu news from sports and more news in Urdu. Like and follow us on Facebook

Title: Yuvraj and dhoni showering mutual praises in heart rendering video in Urdu | In Category: کھیل Sports Urdu News

Leave a Reply