بلے بازوں نے غیر ضروری گھبراہٹ کا مظاہرہ کیا: اسٹیو اسمتھ

کولکاتہ: (یو این آئی) آسٹریلیائی کپتان اسٹیون اسمتھ نے ہندستانی ٹیم کے خلاف مسلسل دوسری شکست کے بعد کہا کہ ٹیم کے بلے بازوں نے دباؤ میں آکر خراب کارکردگی کا مظاہرہ کیا جو اس شکست کی وجہ بنا۔ آسٹریلیا کو جمعرات کوایڈن گارڈن میں ہندستان سے دوسرے یک روزہ میچ میں 50رنوں سے ہار گئی جس کے بعد میزبان ٹیم نے0-2 سے سبقت حاصل کرلی۔ دونوں افتتاحی بلے ڈیوڈ وارنر اور ہلٹن کارٹ رائٹ ایک ایک رن پر آؤٹ ہئے اور بائیں ہاتھ اسپنر گیندباز کلدیپ یادو نے اس خراب بیٹنگ کا فائدہ اٹھاتے ہوئے ہیٹ ٹرک کرلی۔
عالمی چیمپیئن ٹیم اب پانچ میچوں کی سیریز میں پیچھے چل رہی ہے جو اس کی بیرون ملک مقابلوں میں لگاتار دسویں شکست بھی ہے۔ کپتان اسمتھ نے 59 اور مارکس ا سٹوینس نے ناٹ آؤٹ 62 رن بنائے، اور ٹیم کو 200کے اسکور تک پہنچادیا۔ میچ کے بعد کپتان نے کہا ”بلے بازوں نے بہت غلطیاں کی ہیں مجھے لگتا ہے کہ یہ کچھ زیادہ ہو رہا ہے اورسچ کہوں، یہ تمام فارمیٹس میں ہو رہا ہے“۔ ا سمتھ نے کہا کہ “ہم نے بہت جلدی وکٹ گنوادیئے ہمیں اسے روکنا ہوگا۔
ہمارے کھلاڑیوں نے بہت مشق کی ہے اور اب وقت ہے جب وہ فیلڈ پر اپنی صلاحیتیں اجاگرکریں۔ جب آپ دباؤ میں ہوں توگھبراکر مظاہرہ نہ کریں۔ مجھے لگتا ہے کہ ہم نے پہلے ون ڈے میں بھی کچھ ایسا ہی کیا ہے اور اس میچ میں بھی احمقانہ غلطیاں کردیں۔

Read all Latest sports news in Urdu at urdutahzeeb.com. Stay updated with us for Daily urdu news from sports and more news in Urdu. Like and follow us on Facebook

Title: Steve smith takes batsmen to task after kolkata collapse in Urdu | In Category: کھیل Sports Urdu News

Leave a Reply