رویندرجڈیجہ نے پہلی ٹیسٹ سنچری بنائی

راجکوٹ : آل رؤنڈر رویندر جڈیجہ نے ویسٹ انڈیز کے خلاف دو ٹیسٹ میچوں کی سریز کے پہلے ٹیسٹ میچ میں ،جو راجکوٹ میں کھیلا جارہا ہے،اپنے ٹیسٹ کیری کی پہلی سنچری بنائی۔وہ عین100رنز بنا کر غیر مفتوح رہے۔

جڈیجہ نے 10نمبر کے بلے بازامیش یادو کے ساتھ 9ویں وکٹ کے لیے32گیندوں پر50رن بنائے۔ جڈیجہ کی سنچری مکمل ہوتے ہی کپتان وراٹ کوہلی نے ہندوستان کی اننگز 9وکٹ پر649مجموعے پر ڈکلیر کر دی۔

اس سے قبل کوہلی نے اپنے ٹیسٹ کیریر کی 24ویں ٹیسٹ سنچری مکمل کر کے وریندر سہواگ کو سب سے زیادہ سنچریاں بنانے والے ہندوستانی بلے بازوں کی فہرست کی چوتھی پوزیشن سے بے دخل کر دیا ۔

اب کوہلی سے زیادہ ٹیسٹ سنچریاں بنانے والوں میں سچن ٹنڈولکر51، راہل دراوڑ36اور سنیل گواسکر34ہیں۔ بطور کپتان کوہلی کی یہ17ویں اور ویسٹ انڈیز کے خلاف دوسری ٹیسٹ سنچری ہے ۔

Read all Latest sports news in Urdu at urdutahzeeb.com. Stay updated with us for Daily urdu news from sports and more news in Urdu. Like and follow us on Facebook

Title: Ravindra jadeja scores maiden test hundred in Urdu | In Category: کھیل Sports Urdu News
What do you think? Write Your Comment