دوسرے ٹیسٹ میچ میں پجارا اور رہانے ٹیم انڈیا کو شکست سے بچانے کی کوشش میں

بنگلور: چار سال بعد چتیشور پجارا ایک بار پھر آسٹریلیا اور جیت کے درمیان دیوار بن کر کھڑے ہو گئے اور اجنکیارہانے کے ساتھ انہوں نے پانچویں وکٹ کے لیے 93رنز کی غیر مفتوح شراکت کر کے دوسرے ٹیسٹ میچ کو دلچسپ مرحلہ میں پہنچا دیا کیونکہ پچ نے پھر عجیب و غریب رویہ اختیار کر لیا ہے اور اب نہ وہ کسی اسپنر کو خاطر میں لا رہی ہے نہ کسی فاسٹ بولر کو کوئی مدد دے رہی ہے اور نہ ہی بلے بازی آسانی سے کرنے دے رہی ہے۔اور کرکٹ حلقوں میں اب یہ باتیں ہونے لگی ہیںکہ جس طرح چار سال پہلے پجارا کی مرلی وجے کے ساتھ370رنز کی پارٹنر شپ میچ وننگ بن گئی تھی تو کیا اس بار وہ رہانے کے ساتھ اپنی پارٹنر شپ سے ایک بار پھر پانسہ ہندوستان کے حق میں پلٹ کر ٹیم انڈیا کو اسی حریف آسٹریلیا کے خلاف کامیابی دلانے میں کامیاب ہو جائیں گے۔
87رنز کے خسارے کے ساتھ اپنی دوسری اننگز شروع کرتے ہوئے ہندوستان کے افتتاحی بلے بازوں نے نسبتاً تیزی سے رنز بنانا شروع کیے لیکن 39کے اسکور پر ابھینو مکند کو ہیزل ووڈ نے کیلن بولڈ کر کے ہندوستان کو پہلا جھٹکا دیا۔ لیکن دوسرے افتتاحی بلے باز لوکیش راہل نے پجارا کے ساتھ مل کر اننگز کو سجانا شروع کیالیکن ابھی خسارہ دور کرنے کے لیے مزید چار رنز درکار تھے کہ84کے مجموعی اسکور پر راہل لیفٹ آرم اسپنر اوکیف کی گیند پر اسمتھ کو کیچ تھما بیٹھے۔ ہیزل ووڈ نے کپتان وراٹ کوہلی کو بھی محض15رنز کے انفرادی اسکور پر ایل بی ڈبلیو آؤٹ کر دیا۔ امپائر نے بھی جتنی تیزی سے آؤٹ قرار دینے کے لیے انگلی اٹھائی اتنی ہی تیزیسے کوہلینے بھی ڈی آر ایس کا سہار الیا۔لیکن دیر تک باریکی سے اور تیسری آنکھ سے دیکھنے کے بعد فیلڈ امپائر کا فیصلہ درست قرار دیا گیا۔
کوہلی کے آؤٹ ہوتے ہی کھبے بلے باز راہل کی کامیابی کے پیش نظر نئی حکمت عملی کے تحت دوسرے کھبے بلے باز رویندر جڈیجہ میدان میں اترے ۔لیکن یہ چال کامیاب نہ ہوئی اور 120رنز پر جڈیجہ چوتھے کھلاڑی کے طور پر آؤٹ ہو گئے۔ لیکن اس کے بعد پجارا کو اجنکیا رہانے جیسا قابل اعتما د ساتھی مل گیا اور یہ دونوں تیسرے روز کا کھیل ختم ہونے تک اسکور مزید کسی نقصان کے بغیر 213تک لے گئے۔تیسرے روز آسٹریلیا کی جانب سے ہیزل ووڈ 3وکٹ لے کر کامیاب بولر رہے ۔اوکیف کو ایک وکٹ ملی۔اس سے قبل آسٹریلیا نے اتوار کی اپنی ناتمام پہلی اننگز کو 6 وکٹ پر237رنز سے آگے بڑھایا لیکن رویندر جڈیجہ کے آگے آسٹریلیائیبلے بازوںکی ایک نہ چلی اور اس کے باقی چار بلے باز صرف 38رنز کا اضافہ کر کے آؤٹ ہو گئے۔ رویندر جڈیجہ نے 63رنز کے عوض 6وکٹ لیے۔

Read all Latest sports news in Urdu at urdutahzeeb.com. Stay updated with us for Daily urdu news from sports and more news in Urdu. Like and follow us on Facebook

Title: India toil to earn fighting chance in Urdu | In Category: کھیل Sports Urdu News

Leave a Reply