ایٹمی اسلحہ لے جانے کی صلاحیت پرکھنے کے لیے شمالی کوریا نے ایک اور میزائل کا کامیاب تجربہ کیا

سیول:شمالی کوریا نے آج کہاکہ اس نے کل درمیانی سے لمبی دوری تک حملہ کرنے والی ایک نئےمیزائل کا کامیابی کے ساتھ تجربہ کیا ہے۔ شمالی کوریا کی سرکاری خبررساں ایجنسی کے سی این اے نے اس بات کی اطلاع دی۔ کے سی این اے کے مطابق یہ میزائل تجربہ شمالی کوریا کے لیڈر کم جونگ ان کی قیادت میں کیا گیا۔ اس میزائل تجربہ کا مقصد بڑے پیمانہ پر نیوکلیائی اسلحہ لے جانے کی صلاحیت کی تصدیق کرنا تھا۔ کم نے امریکہ پر غیرنیوکلیائی صلاحیت والے ممالک پر دھونس جمانے کا الزام لگایا اور وارننگ دیتے ہوئے کہاکہ امریکہ حقیقت کو نہ بھولے کیونکہ اس کا بیشتر حصہ شمالی کوریا کی میزائل حملہ کی زد میں آتا ہے۔
شمالی کوریا نے کل راجدھانی پیونگ یانگ سے شمال مغرب میں واقع کوسونگ علاقہ سےایک بیلسٹک میزائل کا تجربہ کیا تھا جو 787 کلومیٹر تک آسمان میں گیا تھا۔ ماہرین کے مطابق اس میزائل کے حملہ کرنے کے صلاحیت کم از کم 4000 کلومیٹر تک ہوسکتی ہے ۔دریں اثناجنوبی کوریا کی فوج نے آج کہا کہ شمالی کوریا کے درمیانی فاصلہ سے طویل فاصلے تک مارکرنے والی بیلسٹک میزائل کا کامیاب تجربہ کئے جانے اور اعلیٰ درجے کی میزائل تکنیک حاصل کرنے کے شمالی کوریائی دعوے کی جانچ کیے جانے کی ضرورت ہے۔

Read all Latest science news in Urdu at urdutahzeeb.com. Stay updated with us for Daily urdu news from science and more news in Urdu. Like and follow us on Facebook

Title: North korea launches a new missile in Urdu | In Category: سائنس Science Urdu News

Leave a Reply