پاکستان میں مردم شماری کا آخری مرحلہ بھی مکمل،آبادی کم و بیش22کروڑ ہو گئی

اسلام آباد:چھٹی مردم شماری کا دوسرا اور آخری مرحلہ پورے پاکستان میں مکمل ہو چکا ہے جس میں غیر حتمی اور غیر سرکاری اندازوں کے مطابق ملک کی آبادی 21 سے 22 کروڑ تک ہو سکتی ہے۔ 19 سال بعد ہونے والی یہ مردم شماری دو مرحلوں میں پوری ہوئی جس کا آغاز 15مارچ کو ہوا تھا۔مردم شماری کاآخری مرحلہ بدھ کے روز اپنے اختتام کو پہنچا۔ جس کا آخری دن بے گھر افراد کے لیے مختص کیا گیا۔ حکام کا کہنا تھا کہ اگر کوئی علاقہ رہ گیا تو وہ بھی جلد ہی مکمل کر لیا جائے گا۔ چنانچہ مردم شماری کے وقت کو بڑھانے پر غور نہیں ہو رہا۔
پاکستان کے وفاقی ادارہ شماریات کے سینسس آپریشن کے رابطہ کار حبیب اللہ خٹک نے اپنے ایک بیان میں بتایا کہ مردم شماری کا دوسرا اور آخری مرحلہ بدھ کو ختم ہو گیا ہے۔ آخری دن بےگھر افراد کو شمار کیے جانے کے لیے مختص تھا لیکن اگر کسی علاقے میں معمول کی مردم شماری کا کام رہ گیا ہے تو وہ بھی مکمل کیا جائے گا۔یاد رہے کہ چھٹی مردم شماری کے آٹھ انتظامی یونٹس میں کل 118826 سویلین اور دو لاکھ فوجی اہلکاروں نے حصہ لیا جبکہ اِس کا کل بجٹ ساڑھے 18 ارب روپے تھا۔ جس میں افواجِ پاکستان کے لیے 6 ارب، سویلین کے لیے 6 ارب اور ٹرانسپورٹ کے لیے 6 ارب روپے مختص کیے گئے تھے۔

Read all Latest pakistan news in Urdu at urdutahzeeb.com. Stay updated with us for Daily urdu news from pakistan and more news in Urdu. Like and follow us on Facebook

Title: successful completion of census in pakistan in Urdu | In Category: پاکستان  ( pakistan ) Urdu News

Leave a Reply