پاکستانی مقبوضہ کشمیر میں شیعہ عالم اور اہلیہ قاتلانہ حملہ میں زخمی

مظفر آباد: پولس کے مطابق پاکستان مقبوضہ کشمیر کے مظفر آباد میں نامعلوم بندوق برداروں کی فائرنگ میں ایک شیعہ عالم دین اور ان کی اہلیہ زخمی ہو گئیں۔ابھی تک یہ معلوم نہیں ہو سکا ہے کہ یہ مسلکی حملہ تھا یا ذاتی عداوت کا شاخسانہ تھا۔
بتایا جاتا ہے کہ مجلس وحدت المسلمین کی پی او کے شاخ کے سکریٹری جنرل 38سالہ علامہ تصور الجوادی اپنی اہلیہ کے ساتھ گڑھی دوپٹہ میں واقع اپنی سسرال جا رہے تھے کہ راؤنی علاقہ کے قریب پہنچتے ہی ایک سیاہ رنگ کی کورولا کار نے ان کی موٹر سائیکل کا راستہ روک دیا۔کار میں سوار بندوق بردار ان پر پانچ گولیاں چلا کر فرار ہو گئے۔ان دونوں کو شدید زخمی حالت میں مظفر آباد کے شیخ خلیفہ بن زائد النہیان ہاسپٹل منتقل کر دیا گیا۔

Title: shia cleric wife shot by assailants in muzaffarabad | In Category: پاکستان  ( pakistan )

Leave a Reply