شریف برادران کو پھانسی کی سزا ملے گی:طاہر القادری

اسلام آباد:سربراہ پاکستان عوامی تحریک ڈاکٹر طاہر القادری نے لاہور میں خواتین کی جانب سے دئے گئے دھرنے سے خطاب کرتے ہوئے کہا ہے کہ ملک کو لوٹنے والا چور تو پکڑا گیا ہے لیکن سانحہ ماڈل ٹاون کے بے گناہ شہیدوں کے قاتل کو پکڑنا ابھی باقی ہے اور بہت جلد وہ بھی گرفتار ہوگا۔ ان کا کہنا ہے کہ شہباز شریف اپنے بھائی کو بچانے کی کوشش کر رہا ہے جبکہ نوازشریف اور شہباز شریف کے جرائم برابر ہیں اب دونوں بھائیوں کو پھانسی کی سزا کے لئے تیار ہونا چاہئے۔
طاہر القادری کا مزید کہنا ہے کہ پاناما لیکس کے چو رآئین میں ترمیم کر کے صادق اور امین کی شق ختم کروانا چاہتے ہیں تاکہ آئندہ ملک میں احتساب نہ ہو سکے۔ انہوں نے نوازشریف پر شدید تنقید کرتے ہوئے کہا ہے کہ سابق وزیراعظم محترمہ بے نظیر بھٹو کو دوبار وزارت عظمی سے بے دخل کیا گیا لیکن نوازشریف نے کبھی ان کا ساتھ نہیں دیا بلکہ مخالفین کا ساتھ دیتے ہوئے انتخابات لڑنے کی تیاری کی اور آج اپنی سیاست کو بچانے کے لئے جمہوریت کا نعرہ لگا رہا ہے۔ڈاکٹر طاہر القادری نے اعلان کیا ہے کہ جب تک جسٹس باقر نجفی کی رپورٹ منظر عام پر نہیں لائی جاتی تب تک ہمارا احتجاجی دھرنا جاری رہے گا۔

Read all Latest pakistan news in Urdu at urdutahzeeb.com. Stay updated with us for Daily urdu news from pakistan and more news in Urdu. Like and follow us on Facebook

Title: Sharif brothers will be hanged tahirul qadri in Urdu | In Category: پاکستان Pakistan Urdu News

Leave a Reply