کراچی اور بلوچستان میں بارش کی وجہ سے پیش آنے والے حادثات میں17افراد جاں بحق

کراچی: کراچی اور بلوچستان کے علاقے حب میں بارش کی وجہ سے پیش آنے والے حادثات میں کم از کم 17افرادہلاک ہو گئے ہیں۔سرکاری ذرائع کے مطابق کراچی کے مختلف علاقوں میں پانچ افراد بجلی کا کرنٹ لگنے سے جبکہ دو بچے شہر کے ایک تالاب میں ڈوبنے سے جاں بحق ہوئے۔ محکمہ موسمیات کے مطابق کراچی میں آج مزید بارش کا امکان ہے۔
بلوچستان کے علاقے حب میں بارشوں کے باعث دو بچوں سمیت سات افراد جاں بحق ہوئے۔قدرتی آفات سے نمٹنے کے صوبائی ادارے کے ترجمان نے ریڈیو پاکستان کے کوئٹہ کے نمائندے کو بتایا کہ حب کے علاقے میں سیلابی ریلے میں متعدد مکانات بہہ گئے۔ترجمان نے کہا کہ متاثرہ افراد کو محفوظ مقامات پر منتقل کر دیا گیا ہے اور صورتحال اب قابو میں ہے۔انہوں نے کہا کہ امدادی کارروائیاں جاری ہیں۔
ادھر ، بلوچستان کے وزیراعلیٰ نواب ثنااللہ زہری نے قدرتی آفات سے نمٹنے کے صوبائی ادارے کو مون سون کی بارشوں کے دوران صوبے میں شہریوں کے تحفظ کیلئے ہنگامی اقدامات کرنے کی ہدایت کی۔انہوں نے ندی نالوں کے قریب مقیم شہریوں کو محفوظ مقامات پر منتقل اور ان کیلئے خیموں اور خوراک کا بندوبست کرنے کی بھی ہدایت کی۔

Read all Latest pakistan news in Urdu at urdutahzeeb.com. Stay updated with us for Daily urdu news from pakistan and more news in Urdu. Like and follow us on Facebook

Title: Rain wreak havoc in karachi in Urdu | In Category: پاکستان Pakistan Urdu News

Leave a Reply