محمود شاہ قریشی کی نظریںعمران خان کے عہدے پرہیں :خورشید شاہ

اسلام آباد: پیپلز پارٹی کے سینئر رہنما اور قائد حزب اختلاف سید خورشید شاہ نے کہا ہے کہ قومی اسمبلی میں قائد حزب اختلاف کی تبدیلی میرے نہیں عمران خان کے خلاف سازش ہے۔خورشید شاہ نے نجی ٹی وی چینل کو انٹرویو دیتے ہوئے کہا ہے کہ شاہ محمود قریشی میرے خلاف نہیں بلکہ عمران خان کے خلاف سازش کر رہے ہیں۔ ان کی نظر میری نہیں بلکہ عمران خان کی کرسی پر ہے۔
انہوں نے کہا کہ تحریک انصاف والے جمہوریت کے نعرے لگاتے ہیں لیکن عملی طور پر جمہوریت کو نہیں مانتے۔ قائد حزب اختلاف کا کہنا تھا کہ پی ٹی ا?ئی والے ہمارے اکثریت کو کیوں نہیں مانتے؟ ہم نے کبھی مک مکا کی سیاست نہیں کی بلکہ ہر اقدام سے پہلے مشاورت کی ہے۔ انہوں نے کہا: تحریک انصاف والے میرے خلاف جن سے ووٹ مانگ رہے ہیں وہ بھی ان سے سوال کرتے ہیں کہ قائد حزب اختلاف کو تبدیل کرنے کی کیا ضرورت ہے؟خورشید شاہ نے کہا:
میں ایک جمہوری انسان ہوں، عوام میں اور سیاسی حلقوں میں ہمارے کام اور صحیح موقف کی وجہ سے حمایت پائی جاتی ہے۔ عمران خان کو اپنی فکر کرنی چاہیے کیونکہ شاہ محمود قریشی ان کے خلاف سازشیں کرنے میں مصروف ہوگئے ہیں۔ انہوں نے تحریک انصاف کے وائس چیئرمین شاہ محمود قریشی کو شدید تنقید کا نشانہ بناتے ہوئے کہا: مجھے نہیں معلوم کہ وہ اپنے پارٹی قائد سے بڑا کونسا عہدہ چاہتے ہیں !

Read all Latest pakistan news in Urdu at urdutahzeeb.com. Stay updated with us for Daily urdu news from pakistan and more news in Urdu. Like and follow us on Facebook

Title: Qureshi wants to replace imran khursheed shah in Urdu | In Category: پاکستان Pakistan Urdu News

Leave a Reply