دوحہ میں ہونے والی امریکہ طالبان امن معاہدہ دستخطی تقریب میں وزیر خارجہ قریشی پاکستان کی نمائندگی کریں گے

اسلام آباد: پاکستان نے اس امر کی تصدیق کر دی ہے کہ 29فروری کو قطر کے دارالخلافہ دوحہ میں امریکہ اور اطالبان کے درمیان ہونے والے امن معاہدے پر دستخط کے وقت وزیر خارجہ شاہ محمود قریشی پاکستان کے نمائندے کے طور پر موجود رہیں گے۔

آج ایک بیان میں وزیر اعظم کی معاون خصوصی برائے اطلاعات و نشریات فردوس عاشق اعوان نے کہا کہ پاکستان طرفین میں امن معاہدے کا خیرمقدم کرتا ہے۔ فردوس اعوان نے مزید کہا کہ اس موقع پر وزیر خارجہ قریشی پاکستان کی نمائندگی کریں گے۔

اس تقریب دستخط میں امیر قطر، سات ممالک کے وزراءخارجہ اور50دیگر ممالک کے نمائندے شریکہوں گے۔فردوس اعوان نے مزید کہا کہ افغان امن معاہدے پر دستخط کی جانب یہ تاریخی پیش رفت وزیراعظم عمران خان کے نظریہ کی کامیابی پاکستان کی مسلح افواج کے مثالی کردار کا ٹھوس ثبوت ہے۔

عمران خان ہمیشہ ڈائیلاگ کے حامی رہے۔ خطے میں پائیدار امن کے فروغ اور استحکام کے لیے مثبت کردار ادا کرتے رہیں گے۔

انہوں نے کہا کہ عمران خان افغان گتھی سلجھانے اور اس تنازعہ کے تصفیہ کے لیے ہمیشہ ڈائیلاگ کے حق میں رہے ۔اور پاکستان امن و استحکام کے لیے اپنا مثبت کردار قادا کرتا رہے گا۔

Read all Latest pakistan news in Urdu at urdutahzeeb.com. Stay updated with us for Daily urdu news from pakistan and more news in Urdu. Like and follow us on Facebook

Title: Qureshi to represent pakistan at signing of us taliban peace deal in doha in Urdu | In Category: پاکستان Pakistan Urdu News
Tags: ,
What do you think? Write Your Comment

Leave a Reply

Your email address will not be published.