سابق وزیرخزانہ اسحاق ڈارکو سینیٹ انتخابات لڑنے کی اجازت مل گئی

اسلام آباد:سابق وزیرخزانہ اسحاق ڈارکو سینیٹ انتخابات میں حصہ لینے کی اجازت دے دی ہے۔پاک میڈیا کے مطابق جسٹس عابد عزیزشیخ اورجسٹس جواد حسن پرمشتمل لاہورہائی کورٹ کے خصوصی بنچ نے سینیٹ انتخابات کے لیے اسحاق ڈارکے کاغذات نامزدگی کی منظوری کے خلاف پیپلزپارٹی کے نوابزادہ نوازش علی کی درخواست کی سماعت کی۔
درخواست گزارکی جانب سے موقف اختیارکیا گیا کہ اسحاق ڈارنیب مقدمات میں اشتہاری ہیں اورایک اشتہاری شخص انتخابات میں حصہ لینے کا اہل نہیں، اس لئے اسحاق ڈارکو انتخابات میں حصہ لینے کی اجازت کو کالعدم قرار دیا جائے۔ عدالت نے فریقین کے دلائل سننے کے بعد خزانہ اسحاق ڈار کو سینیٹ انتخابات میں حصہ لینے کی اجازت دے دی۔
واضح رہے کہ اسحاق ڈار نے پنجاب سے سینیٹ کی جنرل اور ٹیکنو کریٹ نشست پر الگ الگ کاغذات نامزدگی جمع کرائے تھے تاہم ریٹرننگ افسر نے ان کے کاغذات نامزدگی مسترد کردیئے تھے، اسحاق ڈار کی جانب سے اس فیصلے کے خلاف ٹریبونل سے رجوع کیا گیا، ٹریبونل نے اسحاق ڈار کو الیکشن میں حصہ لینے کی اجازت دے دی۔

Read all Latest pakistan news in Urdu at urdutahzeeb.com. Stay updated with us for Daily urdu news from pakistan and more news in Urdu. Like and follow us on Facebook

Title: Lhc allows ishaq dar to contest senate polls in Urdu | In Category: پاکستان Pakistan Urdu News

Leave a Reply