کرتار پور راہداری امن اور بین المذاہب ہم آہنگی کی پاکستانی خواہش کا عملی ثبوت ہے:یو این سربراہ

اسلام آباد: اقوام متحدہ کے سکریٹری جنرل آنوتنیو گوترش نے کہا ہے کہ کرتار پور راہداری کھولا جانا امن اور بین المذاہب ہم آہنگی کے لیے پاکستان کی خواہش کا عملی ثبوت ہے ۔

انہوں نے ان خیالات کا اظہار گوردوراہ دربار صاحب کرتار پور اور کرتار پور راہداری کاجس کا گذشتہ سال افتتاح کیا گیا، دورہ کرنے کے دوران ان خیالات کا اظہار کیا۔

اقوام متحدہ کے سربراہ نے راہداری کے کھولے جانے کو ایک خوش آئند اور اچھے قدم سے تعبیر کیا۔ اور کہا کہ اس سے بین المذاہب ہم آہنگی و رواداری کو فروغ حاصل ہوگا۔

اپنے دورے کے دوران اقوام متحدہ کے سکریٹری جنرل کو کرتار پورراہداری کے حوالے سے خصوصی طور پر تچفصیل بتائی گئی اور بتایا گیا کہ وہ سکھوں کا مقدس مقام ہے۔جہاں دنیا بھر کے سکھوں کو اجتماع ہوتا ہے۔

اس کے بعد گوترش کو گوردوارے کی زیارت کے لیے لے جایا گیا۔گوردوارہ میں گوترش نے سکھ مذہبی رہنماؤں سے ملاقات کی اور انہیں ان کی آمد کو یادگار بنانے کے لیے یادگاری تحائف دیے گئے۔

انہوں نے سر پر روایتی رومال بھی باندھ رکھا تھا۔گوترش گوردوارے کے مطبخ میں بھی گئے جہاں انہیں دال چاول پر مشتمل روایتی کھانا پروسا گیا جسے انہون نے بڑی رغبت سے کھایا۔

انہیں بتایا گیا کہ اس لنگر سے گوروارہ آنے والے تمام زائرین کو کھانا کھلایا جاتا ہے اور زائرین کو مفت کھانا کھلانا تمام سکھ گوردواروں کی روایت ہے۔اس موقع پر وزیر برائے مذہبی امور پیر نور الحق قادری اقوام متحدہ کے سربراہ کے ہمراہ تھے۔

Read all Latest pakistan news in Urdu at urdutahzeeb.com. Stay updated with us for Daily urdu news from pakistan and more news in Urdu. Like and follow us on Facebook

Title: Kartarpur opening practical proof of pakistans desire for interfaith harmony says un chief in Urdu | In Category: پاکستان Pakistan Urdu News
What do you think? Write Your Comment

Leave a Reply

Your email address will not be published.