پنامہ کیس میں مشترکہ تحقیقاتی ٹیم نے نواز شریف کی بیٹی مریم کو بھی طلب کر لیا

اسلام آباد: پنامہ دستاویزات مقدمہ میں وزیر اعظم میاں محمد نواز شریف اور ان کے اہل و عیال کے اثاثوں کی چھان بین کے لیے سپریم کورٹ کے حکم پر تشکیل دی جانے والی جے آئی ٹی نے مریم نواز کو بھی طلب کر لیا ہے۔ اب مریم نواز 5 جولائی کو دستاویزات کے ساتھ پیش ہوں گی۔تفصیلات کے مطابق جے آئی ٹی نے نواز شریف کی صاحبزادی اور کیپٹن صفدر کی اہلیہ مریم نواز کو تفتیش کے لیے طلب کر لیا ہے، جبکہ مریم نواز کو اپنے ساتھ اہم دستاویزات ہمراہ لانے کی بھی تاکید کی گئی ہے۔
مریم نواز پانامہ کیس سے متعلق اپنا بیان ریکارڈ کروائیں گی۔ جے آئی ٹی کی طرف سے جاری کیے گئے سمن پر عرفان نعیم منگی کے دستخط ہیں، جو 25 جون کو جاری کیا گیا ہے۔میڈیا ذرائع کا کہنا ہے کہ جے آئی ٹی نے مریم نواز کے ساتھ ساتھ نواز شریف کے صاحبزادوں حسن نواز اور حسین نواز کو بھی دوبارہ طلب کر لیا ہے۔ حسین نواز کو 3 جبکہ حسن نواز کو 4 جولائی کو طلب کیا گیا ہے۔
واضح رہے کہ جے آئی ٹی اس سے پہلے حسین نواز کو 5 مرتبہ، حسن نواز کو دو مرتبہ طلب کر چکی ہے۔ ان کے علاوہ وزیر اعظم نواز شریف، وزیر اعلی پنجاب شہباز شریف اور کیپٹن صفدر بھی جے آئی ٹی کے سامنے پیش ہو کر تفتیش کا سامنا کر چکے ہیں۔ جبکہ سپریم کورٹ نے جے آئی ٹی کو ہدایت کی ہے کہ پانامہ کیس کی مکمل رپورٹ 10 جولائی کو سپریم کورٹ میں پیش کی جائے۔

Read all Latest pakistan news in Urdu at urdutahzeeb.com. Stay updated with us for Daily urdu news from pakistan and more news in Urdu. Like and follow us on Facebook

Title: Jit summons maryam nawaz on 5th july in Urdu | In Category: پاکستان Pakistan Urdu News

Leave a Reply