کشمیر معاملہ پر بین الاقوامی برادری کی مجرمانہ خاموشی پر جے کے ایل ایف سربراہ یاسین ملک کی سخت تنقید

سری نگر: یوم یکجہتی کشمیر کے موقع پر جموں و کشمیر لبریشن فرنٹ (جے کے ایل ایف) کے چیرمین یاسین ملک نے کشمیریوں پر ہندوستانی فوجی کے مظالم مسلسل پر بین الاقوامی برادری کی مجرمانہ خاموشی پر سخت تنقید کی۔

اس موقع پر ڈان نیوز ٹی وی کے بھیجے گئے ایک ویڈیو پیغام میں یاسین ملک نے 5فروری کو کشمیری عوام سے اظہار یکجہتی اور ان کے ساتھ کھڑے ہونے پر پاکستانی عوام سے اظہار تشکر کیا۔

یاسین ملک نے کہا کہ اس موقع پر میں بین الاقوامی برادری سے پوچھنا چاہتا ہوں کہ کیا یہ آپ ہی نہیںتھے جنہوں نے کہا کہ فوج کشی ہی مسئلہ افغانستان کا حل ہے لیکن آج یہی بین الاقوامی برادری افغانستان میں قیام امن کے لیے طالبان سے بات کر رہی ہے کیونکہ اس کی سمجھ میں آگیا ہے کہ کسی بھی قوم کو فوجی طاقت سے زیر نہیں کیا جاسکتا اور تمام مسائل کا حل مذاکرات میں ہی مضمر ہے۔

جے کے ایل ایف چیرمین نے کہا کہ اپنے کاز کے لیے روزانہ بوڑھے، نوجوان اور حتیٰ کی شیر خوار بچے مارے جا رہے ہیں پھر بھی بین الاقوامی برادری نے مسئلہ کشمیر پر مجرمانہ خاموشی اختیار کر رکھی ہے۔

ملک نے کہا کہ کشمیری عوام بھی انسان ہیں ور وہ بین الاقوامی برادری جو عالمی امن کی خواہاں اور افغانستان میں امن قائم کرنے کی کوششیں کر رہی ہے ،مسئلہ کشمیر کے حل کے لیے کیوں کوششیں نہیں کر رہی تاکہ جنوب ایشیا میں پائیدار امن قائم ہو سکے۔

Read all Latest kashmir news in Urdu at urdutahzeeb.com. Stay updated with us for Daily urdu news from kashmir and more news in Urdu. Like and follow us on Facebook

Title: Jklf chief yasin malik slams global criminal silence over indian oppression in kashmir in Urdu | In Category: کشمیر Kashmir Urdu News
What do you think? Write Your Comment

Leave a Reply

Your email address will not be published.