بی جے پی جموں و کشمیر کی مخلوط حکومت سے باہر ہوگئی، ریاست میں گورنر راج،محبوبہ مفتی بھی مستعفی

نئی دہلی: بھارتیہ جنتا پارٹی (بی جے پی ) غیر متوقع اقدام کرتے ہوئے منگل کے روز جموں و کشمیر میں پیپلز ڈیموکریٹک پارٹی ( پی ڈی پی) کے ساتھ مخلوط حکومت سے باہر ہوگئی۔

بی جے پی صدر امیت شاہ کی جموں و کشمیر حکومت میں پارٹی کے وزراءکے ساتھ ایک ہنگامی میٹنگ کے بعد یہ فیصلہ کیا گیا جس کو فوراً اعلان کرد یا گیا کہ پارٹی محبوبہ مفتی کی پی ڈی پی کے ساتھ تین سالہ اتحاد توڑ رہی ہے اورمخلوط حکومت سے باہر ہو رہی ہے۔

بی جے پی جنرل سکریٹری رام مادھو نے کہا کہ مرکز سے حمایت ملنے کے باوجود پی ڈی پی کشمیر میں صورت حال پر قابو نہ پاسکی۔اس لیے وہ مخلوط حکومت سے باہر ہو رہی ہے ۔

اور کہاکہ پارٹی ریاست میں گورنرراج کے حق میں ہے۔جموں و کشمیر بی جے پی لیڈر کیوندرا گپتا نے کہا کہ پارٹی کے وزیروں نے وزیر اعلیٰ کو اپنے استعفے سونپ دیے۔

سینیئر پی ڈی پی وزیر نسیم اختر کے حوالے سے یہ بھی معلوم ہوا ہے کہ وزیر اعلیٰ محبوبہ مفتی نے بھی گورنر نریندر ناتھ ووہرا کو اپنا استعفیٰ سونپ دیا۔

Read all Latest kashmir news in Urdu at urdutahzeeb.com. Stay updated with us for Daily urdu news from kashmir and more news in Urdu. Like and follow us on Facebook

Title: Bjp withdraws support to mehbooba government in Urdu | In Category: کشمیر Kashmir Urdu News

Leave a Reply