کشمیر کے شوپیان ضلع میں دہشت گردوں کی فائرنگ میں میجر سمیت دو فوجی ہلاک

سری نگر:جنوبی کشمیر کے شوپیان ضلع میں جمعرات کی صبح اس وقت فوج کا ایک میجر اور ایک سپاہی ہلاک ہوگیا جب سیکورٹی فورسز کی ایک سرچ پارٹی پر دہشت گردوں نے اچانک اندھا دھند فائرنگ کر دی۔ اس فائرنگ میں ایک سپاہی زخمی بھی ہوا ہے۔ایک سینیئر پولس افسر کے مطابق شوپیان ضلع کے زئی پورہ علاقہ میں کچھ دہشت گردوں کی موجودگی کی خبر ملنے کے بعد فوج نے ان کی تلاش شروع کی ۔
فوجی پارٹی ان کی تلاش کی مہم چلا ہی رہی تھی کہ دہشت گردوں نے نشانے کی زد میں آتے ہی سرچ پارٹی پر اچانک اپنی کمین گاہ سے فائرنگ شروع کر دی۔جس میں تین فوجی بشمول افسر زخمی ہو گئے ۔ ان تینوں کو فوری طور پر سری نگر کے آرمی ہاسپٹل منتقل کیا گیاجہاں ان میں سے دو نے زخموںکی تاب نہ لا کر دم توڑ دیا۔

Title: army major jawan killed in gunbattle with terrorists in kashmirs shopian | In Category: کشمیر  ( kashmir )

Leave a Reply