ہند میں در اندازی کرنے والے دو پاکستانی اسمگلر بی ایس ایف کی فائرنگ میں ہلاک

امرتسر: پنجاب میں ابوہر سیکٹر کی سرحدی چوکی سووانا پر اتوار کو علی الصباح سرحدی سیکورٹی فورس نے منشیات اسمگل کرنے کی کوشش ناکام بنانے کے لیے فائرنگ کر کے دو پاکستانی اسمگلروں کو ہلاک کر دیا۔
بی ایس ایف کی فائرنگ میں ایک اسمگلر زخمی بھی ہوا۔جائے وقوعہ سے بھاری مقدار میں اسلحہ بارود اور 15 کلو ہیروئن،جس کی قیمت بین الاقوامی مارکیٹ میں 75 کروڑ روپے بتائی جا رہی ہے، برآمد ہوئی ہے ۔
بارڈر سیکورٹی فورس (بی ایس ایف) کے ترجمان کے مطابق سووانا چوکی کے علاقے میں کچھ اسمگلر دراندازی کرنے کی کوشش کر رہے تھے۔ بی ایس ایف کے اہلکاروں نے جب انہیں للکارا تو انہوں نے بلا اشتعال فائرنگ کر دی۔
سیکورٹی فورسز کو بھی جوابی فائرنگ کرنا پڑی جس میں دراندازی کی کوشش کرنے والے اسمگلروں میں سے دو ہلاک اور ایک زخمی ہو گیا۔زخمی اسمگلر کو بی ایس ایف نے گرفتار کر لیا۔

Read all Latest india news in Urdu at urdutahzeeb.com. Stay updated with us for Daily urdu news from india and more news in Urdu. Like and follow us on Facebook

Title: Two pakistani smugglers killed in punjab in Urdu | In Category: ہندوستان India Urdu News

Leave a Reply