ہندوستانی بحریہ نے طوفان مورا سے 33 بنگلہ دیشی شہریوں کو بچایا

نئی دہلی:ہندوستانی بحریہ نے بنگلہ دیش کے جہاں کل سمندری طوفان مورا نے زبردست تباہی مچائی ہے، 33 بنگلہ دیشی شہریوں کو بچالیا ہے۔ وزارت خارجہ کے ترجمان گوپال باگلے نے ٹوئٹ کرتے ہوئے کہا کہ ہندوستانی بحریہ نے بنگلہ دیش کے 33 شہریوں کو بچالیا۔ انہوں نے مزید بتایا کہ آئی این ایس سمترا کی تلاش اور بچاؤ مہم ابھی جاری ہے اور زندہ بچ جانے والوں کو تلاش کیا جارہا ہے۔
مسٹر باگلے کے مطابق جن 33 شہریوں کو بچایا گیا ہے ان میں بچے ، خواتین اور بزرگ شامل ہیں۔ کل بنگلہ دیش میں آئے سمندری طوفان مورا نے پڑوسی ملک میں املاک کو زبردست نقصان پہنچایا اور ساحلی علاقوں میں رہنے والے لوگوں کو اپنا گھر چھوڑ کر محفوظ مقام پر جانے کے لیے مجبور ہونا پڑا۔

Read all Latest india news in Urdu at urdutahzeeb.com. Stay updated with us for Daily urdu news from india and more news in Urdu. Like and follow us on Facebook

Title: Indian navy saves 27 bangladeshi nationals in Urdu | In Category: ہندوستان India Urdu News

Leave a Reply