اکشے کمار کی گولڈن جوبلی سالگرہ پر بالی ووڈ کی مبارکباد

ممبئی: بالی ووڈ میں کھلاڑی کمار یعنی اکشے کمار کا نام ان چنندہ اداکاروں میں شمار کیا جاتا ہے جنہوں نے تقریباً 25 برسوں سے اپنی دمدار اداکاری سے ناظرین کے دلوں میں ایک خاص مقام بنا لیا ہے۔ اکشے کمار ، اصل نام راجیو بھاٹیہ ، کی پیدائش 9 ستمبر 1967 کو پنجا ب کے امرتسر میں ایک متوسط گھرانے میں ہوئی تھی۔ اکشے کا بچپن دہلی میں گذرا۔ پڑھائی پوری کرنے کے بعد اکشے بینکاک چلے گئے اور وہاں شیف کا کام کرنے لگے۔ اس دوران وہ وہاں مارشل آرٹ سیکھتے رہے۔ بینکاک سے لوٹنے کے بعد اکشے کمار ممبئی آگئے اور مارشل آرٹ ٹرینر کا کام کرنے لگے۔ اسی دوران اکشے کی ملاقات فلم ہدایت کار پرمود چکرورتی سے ہوئی۔ انہوں نے فلم دیدار میں کام کرنے کی پیش کش کی۔ حالانکہ اس سے پہلے ان کی فلم سوگندھ ریلیز ہوگئی تھی۔ دریں اثنا عباس مستان کی نظر اکشے کمار پر پڑی۔ انہوں نے اپنی فلم کھلاڑی جو 1992 میں ریلیز ہوئی تھی ، کام کرنے کا موقع دیا۔ سسپنس اور رومانس سے بھرپور یہ فلم باکس آفس پر ہٹ ثابت ہوئی۔ اس فلم کے بعد اکشے نے فلم انڈسٹری میں اپنے قدم جمانے شروع کردیئے۔اس فلم کے بعد اکشے فلم کی کھلاڑی کے نام سے کئی فلمیں ریلیز ہوئیں۔ سال 1994 اکشے کمار کے کیرئیر کے لئے بہت اہم ثابت ہوا ان کی کئی فلمیں ہٹ رہیں۔ 1997 میں فلم دل تو پاگل ہے سپر ہٹ ثابت ہوئی۔ 2002 میں فلم ہیرا پھیر ی اکشے کمار کی سپر ہٹ اور اہم فلم تھی۔ سال 2007 میں اکشے کمار کی ایک اور سپرہٹ فلم نمستے لندن آئی۔ اس کے بعد 2008 میں سنگھ از کنگ بھی کامیابی کی بلندیوں پر پہنچ گئی۔ اس فلم میں اکشے نے ایک مزاحیہ سردار کا کردار ادا کیا تھا۔ یہ فلم 2008 کی سب سے زیادہ کامیاب فلم شمار کی گئی۔ اکشے کی جوڑی سنیل شیٹی کے ساتھ بہت پسند کی گئی۔ وہیں ہیروئنوں میں اکشے کےساتھ روینا ٹنڈن اور کٹرینہ کیف کی جوڑی کو بہت پسند کیا گیا۔ اکشے نے اپنے 25 سالہ فلمی کیرئیر میں تقریباً 100 فلموں میں کام کیا۔ سال 2017 میں اشکے کمار نے کامیابی کی بلندیوں کو چھوا۔ اس سال ان کی جانی ایل ایل بی-2 اور ٹائلیٹ ایک پریم کتھا ریلیز ہوئی جس نے باکس آفس پر 100 کروڑ سے زیادہ کی کمائی کی۔ اکشے کی آنے والی فلموں میں پیڈمین ، گولڈ اور مغل شامل ہیں۔

Read all Latest india news in Urdu at urdutahzeeb.com. Stay updated with us for Daily urdu news from india and more news in Urdu. Like and follow us on Facebook

Title: Golden jubillee birthday of akshey kumar in Urdu | In Category: ہندوستان India Urdu News

Leave a Reply