بینک منیجر سے مار پیٹ کرنے پربی جے پی ممبر اسمبلی سمیت8افراد کے خلاف ایف آئی آر درج

بریلی: اترپردیش کے بریلی میں بینک مینیجر سے مارپیٹ، زبردستی اٹھا لے جانے اور دھمکی دینے کے الزام میں بھارتیہ جنتا پارٹی (بی جے پی) کے رکن اسمبلی کیسر سنگھ گنگوار سمیت آٹھ افراد کے خلاف رپورٹ درج کرائی گئی ہے۔ معاملہ حکمراں پارٹی کے ممبر اسمبلی سے منسلک ہونے کی وجہ سے ایس پی (دیہات ) جمنا پرساد نے بینک کی شاخ پہنچ کر واقعہ کی اطلاع حاصل کی اور بینک ملازمین کے بیان درج کر کےابتدائی تحقیقات شروع کر دی۔ جمعرات کو بینک ملازمین یونین اور بڑودہ اترپردیش دیہی بینک افسران ایسوسی ایشن کی طرف سے اعلی حکام تک معاملہ پہنچانے پر رپورٹ درج کی گئی۔ ممبر اسمبلی سمیت آٹھ افراد کے خلاف بدنیتی سے بینک آنے، سرکاری کام میں رکاوٹ پہنچانے، سرکاری ملازم کو زبردستی کام سے روکنے، مارپیٹ کرنے، گالی گلوچ کرکے دھمکی دینے کے الزامات ہیں۔ پولیس ڈپٹی انسپکٹر جنرل آشوتوش کمار نے بتایا کہ بینک کے اہلکاروں نے نواب گنج تھانے میں تحریر دی تھی۔ ممبر اسمبلی کیسرسنگھ گنگوار کے خلاف سی او سطح کے افسر کو جانچ کرنے کی ہدایات دی ہیں۔ بڑودہ دیہی بینک دلیل نگر شاخ کے متاثر مینیجر ہریش سنگھ آج بینک نہیں آئے۔گھروالوں کے مطابق وہ اتنی گھبراہٹ میں ہیں کہ یہاں سے اپنے آبائی گھر اتراکھنڈ کے پتھورا گڑھ چلے گئے۔ان کے بینک نہ پہنچنے سے کام بھی متاثر ہوا۔ شکایت کے مطابق بی جے پی ممبر اسمبلی کیسرسنگھ گنگوار کٹئیا آتما راو¿ گاو¿ں کے رہنے والے جاگن لال کی شکایت پر بدھ کو بینک کی شاخ پہنچے تھے۔ جاگن لال کا الزام تھا کہ بینک میں بچت کھاتے میں پیسہ ہونے پر بھی انہیں روپے نکالنے سے منع کر دیا گیا۔ دو دن سے بینک کے چکر کاٹ رہے جاگن لال نے ممبر اسمبلی کیسرسنگھ سے اس کی شکایت کی تھی۔ الزام ہے کہ اسی بات پر بھڑکے ممبر اسمبلی سات آٹھ لوگوں کے ساتھ بینک پہنچے اور برانچ منیجر ہریش سنگھ پر پیسے دینے کا دباو¿ بنایا۔مینیجر نے قوانین کا حوالہ دیتے ہوئے منع کیا تو گالی گلوج کرکے زبردستی انہیں گھسیٹتے ہوئے باہر لائے اوراپنی گاڑی میں ڈال کر نامعلوم مقام پر لے گئے۔ برانچ منیجر کی پٹائی کی، جس میں شرٹ تک پھٹ گئی۔ موبائل فون بھی چھین لیا۔ زبردستی کاغذ پر لکھوا لیا کہ وہ جاگن لال کے اکاو¿نٹ سے جمعرات کو بینک کھلتے ہی اس کے پیسے کر دیں گے۔ اس کے بعد ہی منیجر کو چھوڑا گیا۔ بدھ کی دیر رات تک پولیس کارروائی سے بچتی رہی تھی۔ بینک آف بڑودہ کی دلیل نگر شاخ میں بی جے پی کے نواب گنج علاقے کے ممبر اسمبلی کیسر سنگھ اور ان کے حامیوں کے ظلم اور برانچ منیجر کو پکڑ کر لے جانے کے واقعہ سے بینک کے اہلکاروں میں زبردست غصہ ہے۔ اور انہوں نے ملزمان کے خلاف کارروائی ہونے تک دھرنا جاری رکھنے کا اعلان کر دیا۔ بڑودہ اترپردیش دیہی بینک افسران آرگنائزیشن کے زیراہتمام ہوئی میٹنگ میں یہ فیصلہ کیا گیا کہ قصورواروں کے خلاف ٹھوس کارروائی ہونےکا احتجاج بتدریج طور پر کریں گے۔ ساتھ ہی ریاست کے وزیر اعلیٰ یوگی آدتیہ ناتھ کو اس واقعہ سے آگاہ کرنے کا بھی فیصلہ کیا گیا۔

Read all Latest india news in Urdu at urdutahzeeb.com. Stay updated with us for Daily urdu news from india and more news in Urdu. Like and follow us on Facebook

Title: Fir lodge against bjp mla kesar singh in Urdu | In Category: ہندوستان India Urdu News

Leave a Reply