عام آدمی پارٹی ممبران اسمبلی کو عبوری راحت دینے سے دہلی ہائیکورٹ کا انکار

نئی دہلی: دہلی ہائی کورٹ نے منفعت بخش عہدے کے معاملہ میں عام آدمی پارٹی ابھی الیکشن کمیشن آف انڈیا کے جھٹکے سے سنبھلی بھی نہیں تھی کہ دہلی ہائیکورٹ نے اس کی اور اس کے20ممبران کی مشکلات اس وقت اور بڑھا دیں جب اس نے اس معاملہ میں عام آدمی پارٹی کی عبوری راحت دینے سے متعلق عرضی خارج کر دی۔
واضح رہے کہ الیکشن کمیشن نے صدر جمہوریہ رام ناتھ کووند سے سفارش کی ہے کہ وہ پارٹی کے 20اراکین اسمبلی کو منفعت بخش عہدے پر فائز ہونے کے باعث نااہل قرار دے دیں۔ ہائی کورٹ نے نااہل قرار دیے جانے کے دہانے پر کھڑے ایم ایل ایز سے معلوم کیا کہ کیا الیکشن کمیشن نے آپ کو کوئی نوٹس جاری کیاتھا یا نہٰن۔
جس پر ان ممبران اسمبلی نے اثبات میں جواب دیا لیکن ساتھ ہی یہ بھی عذرپیش کیا کہ الیکشن کمیشن نے سماعت کی کوئی حتمی تاریخ مقرر نہیں کی تھی۔اب پارٹی کے پاس اس کے سوا کوئی چارہ نہیں رہ گیا کہ وہ سپریم کورٹ سے رجوع کرے۔

Read all Latest india news in Urdu at urdutahzeeb.com. Stay updated with us for Daily urdu news from india and more news in Urdu. Like and follow us on Facebook

Title: Delhi high court refuses to grant relief to aap lawmakers in office of profit case in Urdu | In Category: ہندوستان India Urdu News

Leave a Reply