منی لانڈرنگ معاملہ میں شبیر شاہ اور اسلم وانی کے خلاف الزامات طے

نئی دہلی: دہلی کی ایک عدالت نے2005میں دہشت گردوں کو مالی امداد بہم پہنچانے کے معاملہ میں کشمیری علیحدگی پسند لیڈر شبیر شاہ اور مبینہ حوالہ کاروباری محمد اسلم وانی کے خلاف منی لانڈرنگ کے الزامات طے کر دئیے۔
ایڈیشنل سیشن جج سدھارتھ شرما نے یہ فرد جرم عائد کی جبکہ دونوں ملزموں نے خود کو بے قصور بتایا اوراپنی بے گناہی ثابت کرنے کا دعویٰ کیا ۔انفورسمنٹ ڈائریکٹوریٹ نے 23ستمبر کو شاہ کے خلاف الزامات طے کر تے ہوئے ان پر پاکستان نشیں دہشت گرد حافظ سعید سے رابطہ قائم کرنے کا الزام لگایا تھا۔
اس فرد جرم مین وانی کا بھی نام تھا جو شاہ کے ساتھ فی الحال عدالتی تحویل میں ہے۔عدالت نے 700صفحاتی فرد جرم کا جس مین19گواہیاں تھیں پورا مطالعہ کیا ۔جس کے بعد جج نے گواہوں کے بیان قلمبند کرانے کے لیے 3جنوری تاریخ مقرر کر دی۔

Title: delhi court frames money laundering charges against shabir shah and aslam wani | In Category: ہندوستان  ( india )

Leave a Reply