امرتسر کی ایک عدالت میں اروند کیجریوال پر فردجرم عائد

امرتسر:پنجاب میں امرتسر کی عدالت نے عام آدمی پارٹی کے قومی کنوینر اروند کیجریوال کے خلاف ہتک عزت کی درخواست پر سماعت کرتے ہوئے آج فرد جرم عائد کی اور اس معاملے کی آئندہ سماعت چار جنوری 2017 تک موقوف کر دی۔
ایڈیشنل چیف جوڈیشل مجسٹریٹ (اے سی جے ایم) روی اندر کور نے الزامات طے کرتے ہوئے کیس کی اگلی سماعت چار جنوری، 2017 کو طے کی ہے۔
مسٹر کیجریوال نے ایک ریلی میں ریاست کے رابطہ عامہ کے وزیر بکرم جیت مجیٹھیا اور ان کے خاندان پرمنشیات کی اسمگلنگ اور اسمگلروں کا ساتھ دینے سمیت کئی سنگین الزام لگائے تھے،جس کے بعد انہوں نے مسٹر کیجریوال، آشیش کھیتان اور سنجے سنگھ کے خلاف ہتک عزت کا مقدمہ درج کروایا تھا۔

Read all Latest india news in Urdu at urdutahzeeb.com. Stay updated with us for Daily urdu news from india and more news in Urdu. Like and follow us on Facebook

Title: Chare sheet against arvind kejriwal in amritsar court in Urdu | In Category: ہندوستان India Urdu News

Leave a Reply