بی جے پی کا مشن جنوبی و مشرقی ریاستوں میں حکومتیں تشکیل دے کر ہی مکمل ہوگا:امیت شاہ

تھیرو اننت پورم:حکمراں جماعت بھارتیہ جنتا پارٹی (بی جے پی) کے صدر امیت شاہ نے کہا ہے کہ بھگوا پارٹی کا مشن اسی وقت مکمل ہوگا جب کیرل،تلنگانہ، آندھرا پردیش ، اڑیسہ او مغربی بنگال میں بھی اس کی حکومتیں تشکیل پا جائیں گی۔

شاہ نے کیرل میں پارٹی کی گرفت مضبوط کرنے کے لیے ریاست کے دارالخلافہ تھیرو اننت پورم میں پارٹی کارکنوں کے حوصلے بڑھائے اور 2019کے پارلیمانی انتخابات کے لیے تیاریوں کا جائزہ لیا۔لیکن اپنے قیام کے دوران مسٹر شاہ نے یاستی پارٹی کے صدر کا عہدہ خالی ہونے کے باوجود نئے صدر کے تقرر کے حوالے سے کچھ نہیں کہا ۔

واضح ہو کہ پارٹی صدر کی اسامی کمانم راج شیکھرن کے میزورم کے گورنر کے طور پر تقرر کے باعث مئی اواخر سے خالی ہے۔صدر کے عہدے پر تقرر کے حوالے سے کیرل بی جے پی میں رسہکشی ہے ۔اسے دیکھتے ہوئے شاہ نے ریاست کے پارٹی کارکنوں کو تلقین کی کہ وہ 2019 کے پارلیمانی انتخابات کے پیش نظر متحد ہو جائیں۔

Read all Latest india news in Urdu at urdutahzeeb.com. Stay updated with us for Daily urdu news from india and more news in Urdu. Like and follow us on Facebook

Title: Amit shah in kerala calls for unity in bjp as party battles factionalism in Urdu | In Category: ہندوستان India Urdu News

Leave a Reply