نعت:”سرکارِ دوعالم کی یہ مرغوب غذا ہے“

کہتا ہے وہ جو ان پہ دل و جاں سے فدا ہے
”دہلیزِ محمد پہ عبادت کا مزا ہے“

انداز مرا اس لئے ہر اک سے جدا ہے
ہمراہ مرے،میرے بزرگوں کی دعا ہے

پائے گا مرادیں وہی اس در سے ہمیشہ
ہر بیکس و مفلس سے جسے پیار سوا ہے

کس بات کا جھگڑا ہے یہ مابین ہمارے
جو میرا خدا ہے وہی تیرا بھی خدا ہے

میرا بھی عقیدہ ہے یہی اے مرے یارو!
مہلک ہے جو درد اس کی دوا خاکِ شفا ہے

جو دین کے دشمن ہیں بکنگ ان کی ہے پہلے
ہر آن جہنم کے لبوں پر یہ صدا ہے

شہد اور کھجور اس لئے کھاتا ہوں رضی میں
سرکارِ دوعالم کی یہ مرغوب غذا ہے


ڈاکٹر رضی امروہوی
علی گڑھ
ای میل:drraziamrohvi@yahoo.com

Read all Latest ghazal poetry in Urdu at urdutahzeeb.com. Stay updated with us for Daily urdu news from ghazal poetry and more news in Urdu. Like and follow us on Facebook

Title: Naat sharif in Urdu | In Category: غزلیں و شاعری Ghazal poetry Urdu
Tags:
What do you think? Write Your Comment

Leave a Reply

Your email address will not be published.