جشن آزادی

جشن آزادی
محمد عادل فراز
علی گڑھ

جشن یوم آزادی مل کے ہم منائیں گے
گیت اپنے بھارت کی شان میں سنائیں گے

پھر بہار آئی ہے دلفریب موسم ہے
اب نگر نگر دیکھو اک خوشی کا عالم ہے
اس حسین منظر کو کیسے ہم بھلائیں گے

جشن یوم آزادی مل کے ہم منائیں گے
گیت اپنے بھارت کی شان میں سنائیں گے

پربتوں سے بھی اونچا سلسلہ ہمارا ہے
آندھیوں سے ٹکرائیں حوصلہ ہمارا ہے
ولولہ زمانے کو اپنا ہم دکھائیں گے

جشن یوم آزادی مل کے ہم منائیں گے
گیت اپنے بھارت کی شان میں سنائیں گے

توڑ کر غلامی کی بیڑیوں کو آئے ہیں
خواب تھے جو ماضی کے سچ وہ کر دکھائے ہیں
کیا وطن پہ گزری ہے سب کو ہم بتائیں گے

جشن یوم آزادی مل کے ہم منائیں گے
گیت اپنے بھارت کی شان میں سنائیں گے

ہم نے دیش کی خاطر اپنا خوں بہایا ہے
اپنے عزم سے ہم نے ملک کو بچایا ہے
مل کے دیش کا جھنڈا آج سب اُٹھائیں گے

جشن یوم آزادی مل کے ہم منائیں گے
گیت اپنے بھارت کی شان میں سنائیں گے

مائیں اپنے بچّوں کا حوصلہ بڑھاتی ہیں
ملک کی محبت میں لوریاں سناتی ہیں
دیش کے میرے بچّے آسماں پہ چھائیں گے

جشن یوم آزادی مل کے ہم منائیں گے
گیت اپنے بھارت کی شان میں سنائیں گے

خار سارے گلشن کے آج ہم ہٹا دیں گے
دیپ اک محبت کا مل کے ہم جلا دیں گے
ساتھ مل کے الفت سے دیش کو سجائیں گے

جشن یوم آزادی مل کے ہم منائیں گے
گیت اپنے بھارت کی شان میں سنائیں گے
ای میل: Email:mohdadil75@yahoo.com

Read all Latest ghazal poetry in Urdu at urdutahzeeb.com. Stay updated with us for Daily urdu news from ghazal poetry and more news in Urdu. Like and follow us on Facebook

Title: Independence day celebration urdu shayari in Urdu | In Category: غزلیں و شاعری Ghazal poetry Urdu
What do you think? Write Your Comment

Leave a Reply

Your email address will not be published.