غالبیات:دہر میں نقش وفا وجہ تسلی نہ ہوا

دہر میں نقش وفا وجہ تسلی نہ ہوا
ہے یہ وہ لفظ کہ شرمند ئہ معنی نہ ہوا

سبزئہ خط سے ترا کاکل سرکش نہ دبا
یہ زمرد بھی حریف دم افعی نہ ہوا

میں نے چاہا تھا کہ اندوہ وفا سے چھوٹوں
وہ ستم گر مرے مرنے پہ بھی راضی نہ ہوا

دل گزر گاہ خیال مے و ساغر ہی سہی
گر نفس جادئہ سر منزل تقوی نہ ہوا

ہوں ترے وعدہ نہ کرنے میں بھی راضی کہ کبھی
گوش منت کش گلبانگ تسلی نہ ہوا

کس سے محرومئی قسمت کی شکایت کیجے
ہم نے چاہا تھا کہ مر جائیں سو وہ بھی نہ ہوا

مر گیا صدمئہیک جنبش لب سے غالب
ناتوانی سے حریف دم عیسی نہ ہوا

نہ ہوئی ہم سے رقم حیرت خط رخ یار
صفحئہ آئنہ جولاں گہ طوطی نہ ہوا

وسعت رحمت حق دیکھ کہ بخشا جاوے
مجھ سا کافر کہ جو ممنون معاصی نہ ہوا
مرزا غالب

Read all Latest ghazal poetry news in Urdu at urdutahzeeb.com. Stay updated with us for Daily urdu news from ghazal poetry and more news in Urdu. Like and follow us on Facebook

Title: Ghazal mirza ghalib in Urdu | In Category: غزلیں و شاعری Ghazal poetry Urdu News

Leave a Reply