سلمان خان بالی ووڈ کے پہلے سپر اسٹار ہیں جن کی 12 فلمیں 100کروڑ کلب میں شامل

ممبئی: فلم انڈسٹری کے دبنگ اداکار سلمان خان اپنی 52 ویں سالگرہ اپنے پنویل فارم ہاؤس پر دوستوں اور اہلخانہ کے ہمراہ میں منائیں گے۔سلمان خان کے لئے نیا سال ان کے لیے دوہری خوشیاں لے کر آیا ہے۔ سالگرہ کے موقع پر سلمان خان کی خوشیاں فلم ’ٹائیگر زندہ ہے‘کی شاندار کامیابی کی وجہ سے دوبالا ہوگئی ہیں۔ فلم کی کامیابی اور اپنی سالگرہ کا جشن منانے کے لیے سلمان خان نے اپنے پنویل فارم ہاؤس کا رخ کیا ،جس میں اداکارہ کترینہ کیف بھی خصوصی طور پر شرکت کررہی ہیں۔
حال ہی میں سلمان خان اور کترینہ کیف کی ریلیز ہونے والی فلم’ٹائیگرزندہ ہے‘نے کامیابی کے کئی ریکارڈ توڑنے کے ساتھ کئی ریکارڈ قائم بھی کیے ہیں۔ ہندوستانی تجزیہ نگار ترن آدرش کے ٹوئٹ کے مطابق فلم نے چار دنوں میں ڈیڑھ سو کروڑ سے زائد کا بزنس کرکے غیرمعمولی کامیابی حاصل کی ہے۔
’ٹائیگرزندہ ہے‘کی کامیابی کے ساتھ سلمان خان بالی ووڈ کے وہ پہلے سپر اسٹار بن گئے ہیں جن کی 12 فلمیں 100کروڑ کلب میں شامل ہوگئی ہیں۔ اس سے قبل سلمان خان کی فلم دبنگ، دبنگ2، سلطان، بجرنگی بھائی جان، کک، پریم رتن دھن پایو، ایک تھا ٹائیگر، باڈی گارڈ، ٹیوب لائٹ، جے ہواور ریڈی 100 کروڑ کلب میں شامل تھیں۔
واضح رہے کہ اسی سال سلمان خان کی فلم ’ٹیوب لائٹ‘100 کروڑ کا ہندسہ عبور کرنے میں تو کامیاب رہی تھی لیکن فلم کے میگا بجٹ کے باعث اسے باکس آفس پر ناکام قراردیاگیا تھا۔ فلم کی ناکامی نے سلمان خان کو مایوس کردیا تھا لیکن انہوں نے اپنی ساری امیدیں ’ٹائیگرزندہ ہے‘کے ساتھ وابستہ کرلی تھیں اور مداحوں سے وعدہ کیا تھا کہ ان کی آنے والی فلم ’ٹیوب لائٹ‘کی ناکامی کا غم بھلا دے گی اورایسا ہی ہوا۔ فلم ’ٹائیگرزندہ ہے‘نے ریلیز ہوتے ہی باکس آفس پر دھوم مچادی جب کہ فلم مسلسل کامیابی کی جانب بڑھ رہی ہے۔

Title: salman khan turns 52 actor celebrates birthday with katrina kaif at panvel farmhouse | In Category: انٹرٹینمنٹ  ( entertainment )

Leave a Reply