بگ باس میں 65سالہ انوپ جلوٹا کی 28 سالہ گرل فرینڈ دیکھ سلمان خان بھی حیران ، سوشل میڈیا میں بنے زیر بحث کا موضوع

نئی دہلی: ہندوستان کا مشہور اور متنازعہ ٹی وی شو’بِگ باس12‘ کا آغاز انتہائی دھماکہ خیز انداز میں ہوا ۔ دراصل اس سیزن میں کچھ شرکاءکو جوڑی کے ساتھ شامل ہو رہے ہیں۔

دلچسپ بات یہ ہے کہ اس میں مشہور و معروف بھجن گلوکار 65 سالہ انوپ جلوٹا نے بھی شرکت کی ہے، لیکن اس سے بھی زیادہ حیران کرنے والی بات یہ ہے کہ انھوں نے اپنے ساتھ 28 سالہ جسلین متھارو کو لایا ہے اور بِگ باس میں ایک ویڈیو کے ذریعہ انکشاف کیا کہ وہ ان کی گرل فرینڈ ہے۔ویڈیو میں انوپ اور جسلین نے کھل کر اس بات کا اظہار کیا کہ دونوں نے کئی سالوں تک اپنا رشتہ چھپا کر رکھا لیکن اب دنیا کے سامنے ظاہر کرنا چاہتے ہیں۔

انھوں نے یہ بھی کہا کہ وہ اب تک چھپ چھپ کر ملا کرتے تھے لیکن اتنے وقت ساتھ رہنے کے بعد دونوں اپنے رشتے کے بارے میں کھل کر بات کرنے کے لیے تیار ہیں اور بِگ باس کے سامنے پہلی بار اپنے دل کی بات رکھ رہے ہیں۔بِگ باس میں انوپ جلوٹا اور جسلین متھارو کے ویڈیو نے وہاں موجود سبھی لوگوں کے ساتھ ساتھ سلمان خان کو بھیحیران کر دیا۔ سلمان خان کی تو جیسے بولتی ہی بند ہو گئی۔

یہ معاملہ حیران کن صرف اس لیے نہیں کہ ان دونوں کے درمیان 37 سال کا فرق ہے، بلکہ جسلین انوپ جلوٹا کی شاگردہ ہے۔ یہی سبب ہے کہ بِگ باس میں ان دونوں کی انٹری اور رشتے کی بات ظاہر ہونے کے بعد سوشل میڈیا پر ایک ہنگامہ سا برپا ہو گیا ہے۔ کچھ لوگ اس خبر سے مزے لے رہے ہیں تو کچھ لوگ انوپ جلوٹا کی اس حرکت کو شرمناک قرار دے رہے ہیں۔ٹوئٹر پر انوپ جلوٹا اور جسلین کے تعلق سے کئی دلچسپ پوسٹ کیے گئے ہیں۔

سہیل سیٹھی نامی ٹوئٹر ہینڈل پر لکھا گیا ہے کہ ”کسی بھجن گانے والے کو کبھی کم نہ سمجھیں، وہ بھی تب جب وہ صرف 65 سال کا ہو۔“ پرنس پانڈے نامی ٹوئٹر ہینڈل سے پریش راول کی ایک کامیڈی تصویر شیئر کی گئی ہے جس پر ’ا±ٹھا لے رے بابا‘ لکھا ہوا ہے۔ ساتھ میں لکھا گیا ہے کہ ”یہ رد عمل ہر ہندوستانی کا انوپ جلوٹا اور جسلین متھارو کے درمیان رلیشن شپ کو دیکھ کر ہے۔“

ہتانشی نے انوپ جلوٹا کی بِگ باس میں انٹری اور پھر جسلین کے ساتھ ان کے رشتوں کے انکشاف کے دوران اپنے والد کے جذبات کا اظہار کیا ہے۔ انھوں نے لکھا ہے کہ ”میرے والد ٹی وی پر انوپ جلوٹا کو دیکھ کر کافی خوش تھے۔ اس کے بعد مِس گرل فرینڈ کی انٹری ہوئی۔ والد محترم بولے کہ کیا بکواس ہے، بند کرو یہ سب۔“

کپل دھامیوال کے ہینڈل سے اس خبر پر زبردست طنز کیا گیا ہے اور انوپ جلوٹا و جسلین کی تصویر کے ساتھ لکھا گیا ہے کہ ”ان لڑکوں کی طرف سے دو منٹ کی خاموشی جو ابھی تک کنوارے ہیں، اور میں بھی ان میں شامل ہوں۔“

Read all Latest entertainment news in Urdu at urdutahzeeb.com. Stay updated with us for Daily urdu news from entertainment and more news in Urdu. Like and follow us on Facebook

Title: Bigg boss 12 contestants jodi anup jalota and jasleen matharu in Urdu | In Category: انٹرٹینمنٹ Entertainment Urdu News
What do you think? Write Your Comment

Leave a Reply

Your email address will not be published.