ایس بی آئی اپنے کھاتے داروں سے کئی جرمانے وصول کرے گا

نئی دہلی:ملک کے سب سے بڑے کمرشیل بینک اسٹیٹ بینک آف انڈیا (ایس بی آئی) نے آج سے رقم نکالنے کے لئے متعینہ سہولت سے زائد بار رقم نکالنے پر چارج وصول کرے گا۔ بینک نے کئی دیگر خدمات پر سروس چارج وصول کرنے کا اعلان کیا ہے۔ بینک کٹے پھٹے نوٹ بدلوانے اور متعینہ حد سے زائد بار پیسہ نکالنے پر صارفین سے سرچارج وصول کرے گا۔ بینک کے نئے ضابطے کے مطابق صارف کو صرف چار بار نقد پیسہ نکالنے کی سہولت ہوگی۔ اس میں اے ٹی ایم سے پیسہ نکالنا بھی شامل ہے۔ چار بار سے زائد پیسہ نکالنے پر کھاتہ داروں کو ہر ایک نکاسی پر 50روپے کا سروس چارج اور سروس ٹیکس دینا ہوگا۔
دوسرے بینک کے اے ٹی ایم سے چار سے زائد بار رقم نکالنے ہر’ نکاسی‘ پر 20روپے سروس چارج اور سروس ٹیکس دینا ہوگا۔ ایس بی آئی کے اے ٹی ایم سے ہی چار سے زائد رقم نکالنے پر ایک ’نکاسی ‘ کے لئے دس روپے سروس چار اور سروس ٹیکس لگے گا۔ گرامین بینک چار ہزار روپے یا 20 سے زائد کٹےپھٹے نوٹ کو بدلوانے پر دو سے پانچ روپے تک سرچارج اور سروس ٹیکس وصول کرے گا۔ ان ضابطوں کے تحت ہر ایک کٹے پھٹے نوٹوں بدلنے پر دو روپے یا ہر ایک ہزار روپے پر پانچ روپے سرچارج جو زائد ہو دینا ہوگا۔کھاتہ میں کم از کم باقی نہ رہنے پر جرمانہ بھی لگے گا۔ بینک اب صرف ڈیبٹ کارڈ کو ہی مفت مہیا کرائے گا۔
دیگر کارڈوں پر بینک سروس سرچارج وصول کرے گا۔ ماسٹر اور ویزا کارڈ جاری کرنے پر بھی سروس سرچارج لگے گا۔ ایس بی آئی کے اعلان کے مطابق میٹرو شاخوں میں پانچ ہزار روپے، شہری بینکوں میں تین ہزار روپے، چھوٹے شہروں کی شاخوں میں دو ہزار روپے اور دیہی بینکوں میں کھاتہ داروں کو کم از کم ایک ہزار روپے ضرور رکھنے ہوں گے۔ اتنی رقم نہ ہونے پر کھاتہ داروں سے بینک جرمانہ کی شکل میں رقم وصول کرے گا۔

Read all Latest business news in Urdu at urdutahzeeb.com. Stay updated with us for Daily urdu news from business and more news in Urdu. Like and follow us on Facebook

Title: Sbi customers will have to pay penalties in Urdu | In Category: بزنس Business Urdu News

Leave a Reply