امریکی ڈالر کے مقابلہ روپیہ پھر گرنے لگا

نئی دہلی: امریکی ڈالر کے مقابلہ روپے کی بدحالی کی تلخ یادوں نے اس وقت پھر انگڑائیاں لینا شروع کر دیا جب جمعرات کی صبح انٹربینک کاروبار میں ڈالر کے مقابلہ روپے کی قدر میں مزید56پیسے کی کمی واقع ہو گئی اور ڈالر71روپے میں فروخت ہونے لگا۔

جس تیزی سے روپے کی گراوٹ ہو رہی ہے اور جو رجحان نظر آرہا ہے اس سے اس امر کی نشاندہی ہوتی ہے کہ 2019تک روپے کی قیمت گر کر75روپے فی ڈالر ہوجائے گی۔

غیر ملکی سرمایہ کاروں اورگھریلو ادارہ جاتی سرمایہ کاروں کے ذریعہ متواتر پیسہ نکالنے سے منڈی میں زبردست نشیب و فراز دیکھنے میں آیا جس سے بامبے اسٹاک ایکس چنج ( بی ایس ای )بھی بری طرح متاثر ہوا۔

ادھر ریزرو بینک آف انڈیا (آر بی آئی) پالیسی ایکشن کا بظٓہر کوئی اثر نہیں پڑا اور اسٹاک بنچ مارک ایک فیصد گر گیا۔ این ایس ای نفٹی 169.70پوائنٹس گر رک 10,613.20پر آگیا جبکہ بی ایس ای سینسیکس میں526.06پوائنٹس کمی واقع ہوئی جس سے یہ گر کر35,358.35پر آگیا۔

Read all Latest business news in Urdu at urdutahzeeb.com. Stay updated with us for Daily urdu news from business and more news in Urdu. Like and follow us on Facebook

Title: Rupee cracks againsensex gets the chill in Urdu | In Category: بزنس Business Urdu News
Tags: , ,
What do you think? Write Your Comment