نظریات سے زندگی بدلیں

اسما طارق،گجرات

ہماری زندگی کی اکثر تلخیوں اور ناخوشگواریوں کی وجہ ہمارے بنائے ہوئے نظریات ہوتے ہیں اور ان نظریات کی بنیاد وہ مشاہدات ہیں جو ہم نے اپنے اردگرد کے ماحول سے لیے ہوئے ہیں اس لیے اردگرد کے ماحول کا اچھا ہونا بہت ضروری ہے اور ہمیں یہ سمجھنے کی بھی ضرورت ہے کہ جیسے ہمارے مشاہدات ہو نگے ویسے ہی نظریات ہونگے۔ انہی نظریات کو بنیاد بنا کر ہم زندگی کے فیصلے کرتے ہیں اور یہی نظریات ہماری زندگی کاتعین کرتے ہیں۔ اس لیے اگر آپ کو زندگی میں بہتری لانی ہے تو اپنے مشاہدات کو بہتر بنانا ہوگا اور اس کے لیے اپنے اردگرد کے ماحول کو بہتر بنائیں ،اچھے لوگوں میں اٹھیں بیٹھیں ، اچھی کتابیں پڑھیں اور نئی نئی اچھی چیزیں سیکھیے۔ اس سے آپ کی سوچ کو وسعت ملے گی ، آپ نئے ڈھنگ سے سوچ سکیں گے اور اس سے نہ صرف نظریات میں بہتری آئے گی بلکہ ان نظریات کا معیار بھی اچھا ہو گا۔ ہمیں سمجھ لینا چاہیے کہ اچھی سوچ ہی کردار سازی کرتی ہے اور یہی کردار سازی معاشرہ بناتی ہے۔ صرف یہی نہیں اچھی سوچ، اچھے نظریات ہی اچھے انسان کی پہچان ہیں۔ اسی طرح اچھا مشاہدہ ہی اچھے نظریات کو جنم دیتا ہے جو بہترین زندگی کا ضامن ہے ۔
یہاں ہمیں ایک اہم معاشرتی پہلو کی طرف بھی توجہ دینی ہو گی کہ کیسے بچے غلط قدم اٹھاتے ہیں جب انہیں ماں باپ کی طرف سے اعتماد اور بھروسہ نہیں ملتا، جب ماں باپ ان پر بھروسہ نہیں کرتے اور ہر وقت ان پر پہرہ بٹھائے رکھتے ہیں۔ اب بچے اس بے وجہ ہر وقت کے پہرے سے چڑ رہے ہوتے ہیں اور وہ تو موقع ڈھونڈ رہے ہوتے ہیں کہ کیسے اس سے فرار حاصل کی جائے ۔بچے اعتماد اور بھروسہ کی کمی کی وجہ سے وہ وہ قدم اٹھا لیتے ہیں جو ان کی تو زندگی کو متاثر کرتے ہیں مگر والدین کی عزت کو بھی نیلام کر دیتے ہیں۔
ہمارے معاشرے میں بچوں کو والدین کی طرف سے اعتماد کم ملتا ہے جس وجہ سے وہ اپنی باتیں والدین سے چھپاتے ہیں اورخود کو والدین سے دور محسوس کرتے ہیں ۔میں یہ نہیں کہتی کہ ہمیں بچوں پر بالکل ہی سختی نہیں کرنی چاہئیے بلکہ ہمیں تو انہیں سمجھانا چاہیے کہ کیا ٹھیک ہے اور کیا غلط مگر اس کے ساتھ ساتھ ان پر بھروسہ بھی کرنا چاہیے اور انہیں یہ محسوس بھی کرانا چاہیے کہ ہمیں ان پر بھروسہ ہے تاکہ وہ کوئی غلط قدم اٹھانے سے پہلے دس مرتبہ سوچیں کہ وہ ان والدین کے ساتھ کیا کرنے جا رہے ہیں جنہیں ان پر اتنا بھروسہ ہے۔والدین کو چاہیے کہ بچوں کو اعتماد دیں۔
رابطہ:trqasma2511@gmail.com

Read all Latest social news in Urdu at urdutahzeeb.com. Stay updated with us for Daily urdu news from social and more news in Urdu. Like and follow us on Facebook

Title: How to change life completely in Urdu | In Category: سماجیات Social Urdu News
What do you think? Write Your Comment