کروناجرثومہ سے متاثرچین کی معیشت آئی سی یو میں؟

(شیخ خالد زاہد)

کرونا وائرس کا نام لکھنے سے بھی خوف آ رہا ہے ، شائد اسکی وجہ میڈیا کا وہ شور شرابا ہے جو ساری دنیا میں مچایا گیا ہے ۔ چین نے گزشتہ کچھ سالوں میں دنیا کی معیشت کو تقریباً اپنے قابو میں کرہی لیا تھا کہ اور دنیا کے سپر کی آنکھوں میں آنکھیں ڈال کر دیکھ رہا تھا ۔ چین نے بغیر تخریب کاری کئے، بغیر کسی کو ڈرا ئے دھمکائے ،بغیر کسی کی سرحدوںکو عبور کئے اور بغیر کسی کو جمہوریت کا طوق پہنائے اپنی معیشت کو مستحکم کیا ۔ چین کی مصنوعات دیکھتے ہی دیکھتے ساری دنیا میں پھیل گئیں اور دیکھتے ہی دیکھتے چین نے ساری دنیا پر اپنی مصنوعات کی چھاپ لگادی۔حالات و واقعات سے دیکھائی دیتا ہے کہ امریکہ یقینا چین کو اپنے ہم عصروں میں نہیں گن رہا تھا۔ جبکہ چین نے بھی کسی کو اپنے مقابلے میں قریب بھی نہیں آنے دیا۔ دنیا کو اپنے طرز پر چلانے کا خواہشمند امریکہ، چین سے یہاں مارکھا گیا۔ چین نے دنیا کی سب سے بڑی آبادی ہونے کا بھرپور فائدہ اٹھایا، چین نے چھوٹی بڑی صنعتوں کا جال بچھادیا اور اپنی مصنوعات دوسروں سے کم قیمت میں دنیا میں متعارف کروادیں۔ پاکستان کو اپنی معیشت میں بہتری کیلئے چین کا بھرپور ساتھ دینا پڑا جس کا چین نے خوب فائدہ اٹھا یا بلکہ اٹھا ہی رہا ہے ۔ جنوری 2108 میں امریکہ نے درآمدات پر محصولا ت میں اضافہ کیا تو بھی پوشیدہ طور پر نشانہ چین کو ہی بنانا تھا کیونکہ اب امریکہ کی منڈیوں میں بھی چین نے اپنی بھرپور جگہ بنا لی ہے، گوکہ محصولات کے اضافے کو چین نے بھی برابری کی بنیاد پر نمٹایااور اسی سال اپریل میں امریکی مصنوعات پر محصولات میں پندرہ سے پچیس فیصد اضافہ کردیا۔ اب یہ بھی سمجھ لیں کہ محصولات سے اضافے میں جس ملک میں آمد ہورہی ہوتی ہے اسے فائدہ ہوتا ہے اور جہاں سے رسد آرہی ہوتی ہے اسے کسی حد تک خسارے کا سامنا کرنا پڑتا ہے۔ اس طرح سے چین نے اپنی اہمیت کو اور اجاگر کیا ابھی یہ کھیل ختم نہیں ہوا چین امریکہ سے محصولات میں بتدریج اضافہ کرتا چلا گیا جبکہ دنیا کے دوسرے ممالک سے محصولات قدرے کم کردئیے گئے۔ بہترین حکمت عملی اور معاشی استحکام نے چین کو ایساکرنے کی اجازت دی۔ امریکہ ، چین کی بالادستی کو اتنی خاموشی سے کیسے برداشت کرسکتا تھا امریکہ نے ہواوے پر پابندی لگادی گوکہ یہ چین کی ایک کمپنی ہے اور دنیا کو مواصلات کی مصنوعات فراہم کر رہی ہے ، چین نے ایک بار پھر بہت ذہانت سے امریکہ کے ایپل پر چین میں ایسی پابندی لگائی کہ کہتے ہیں کہ لوگوں نے ایپل کی مصنوعات چین کی سڑکوں پر پھینک دیں، چین دنیا کی سب سے بڑی آبادی کا ملک اور وہ اگر کسی مصنوعات کا استعمال ترک کریں تو ادارے کا دوالیہ ہونا حتمی ہے ۔ امریکہ کو ایک بار پھر منہ کی کھانی پڑی۔ امریکہ نے پاکستان پر مختلف طریقوں سے دباﺅ ڈالنے کی کوشش کی لیکن موجودہ حکومت واضح طور پر یہ کہتی آرہی ہے کہ اب ہم کسی کی جنگ میں ٹانگ نہیں اڑائیں گے اور نہ ہی ساتھ دیں گے۔ امریکہ یہ بھی جانتا ہے کہ اس خطے میں بغیر پاکستان کی حمایت کہ کچھ بھی نہیں کیا جاسکتا ہے گوکہ امریکہ ، بھارت کا اچھا دوست ہے لیکن پاکستان اپنی جغرافیائی حیثیت کی وجہ سے خطے میں خاص مقام رکھتا ہے ۔ پاکستان پر امریکہ نے سی پیک کے حوالے سے بھی کئی سوال اٹھائے کہ اس سے حاصل ہونے والے فائدے سے انہیں بھی حصہ دیا جائے لیکن پاکستان کبھی بھی سی پیک کے معاملے پر امریکہ کو خاطر میں نہیں لایااور یہی بات پاکستان کی چین کیلئے قابل تعریف ہے۔ یوں امریکہ اس خطے میں اپنے مقاصد کیلئے ٹکریں مارتا ہوا محسوس کیا جا رہا ہے ۔ پھر امریکی صدر کو جہاں بہت سارے خود ساختہ مسائل کا سامنا ہے وہیں دنیا کی طرف سے بڑھتا ہوا کشمیر کے لئے دباﺅ بھی اپنی اہمیت منواتا جا رہا ہے ۔

چین میں اس وقت کرونہ نامی جرثومے نے قیامت برپا کر رکھی ہے ، چین نے اپنی تمام تر توجہ اس جرثومے سے نمٹنے پر لگائی ہوئی ہے جوکہ اتنا بے قابو ہوچکا ہے کہ تقریباً ایک ہفتے سے بھی کم وقت میںسیکڑوں لوگ اپنی زندگیوں سے ہاتھ دھو بیٹھے ہیں اور ہزاروں کی تعداد میں جوکہ اس جراثیم سے متاثر ہیں زندگی اور موت کی جنگ لڑ رہے ہیں۔ چین نے ایسے ہنگامی حالات میں بھی تاریخی کارنامہ سرانجام دیا ہے جب انہوں نے صرف دس دنوں میں ایک وسیع و عریض ہسپتال اس ہلاکت خیزمرض میں مبتلا لوگوںکیلئے تیار کر دیا۔ دنیا نے اس جرثومے کی منتقلی کے خوف سے چین سے اپنے ہر طرح کے تعلقات محدود کررکھے ہیں ۔عالمی ادارہ صحت نے بھی ساری دنیا میں ہنگامی صورتحال کا اعلان کر رکھا ہے ۔ایسے جذباتی مناظر سماجی میڈیا کے توسط سے موصول ہورہے ہیں کہ جن میں بچے اپنے والدین سے اور اسطرح سے لوگ ایک دوسرے سے ملنے جلنے سے گریزاں ہیں ، بازار سڑکیں گلیاں کوچے، تعلیمی ادارے ہر جگہ سناٹا ہے ۔ غرضیکہ کرونا جرثومے نے پورے چین کو محصور کر کے رکھ دیا ہے ۔چین کی معیشت کو جوکہ بھرپور پھل پھول رہی تھی ۔زبردست مندی کا سامنا کر نا پڑ رہا ہے اور روزانہ کی بنیاد پر یہ نقصان ہوتا ہی چلا جا رہا ہے ۔

عام لوگوں کا خیال ہے کہ امریکہ کو آنے والے وقتوں میں جو کچھ کرنا ہوتا ہے وہ اس حوالے سے فلم بناتا ہے تاکہ دنیا میں رائے عامہ ہموار کرسکیں اور لوگوں کے ذہنوں میںاپنی ابتری کا ٹیکہ لگادیں اور سمجھانے کی کوشش کریں کہ کچھ بھی ہوسکنے کیلئے تیار رہیں۔ گوکہ اکثر فلمیں تو بہت زیادہ ہی حدوں سے باہر ہوتی ہیں ۔ فلموں پر گہری نظر رکھنے والے زیادہ ان باتوں پر روشنی ڈال سکتے ہیں ۔2011میں ہالی ووڈ میں ایک فلم شائع ہوئی جس نے تقریباً ریکارڈ ساز کاروبار کیا اور 2020 میں ایک بار یہ فلم پہلی دس دیکھی جانی فلموں میں شامل ہے ۔ اس کی وجہ بھی یہ کرونا وائرس ہے جس پر یہ فلم بنائی گئی اور جس طرح سے یہ بنائی گئی بالکل حالات ووقعات رونما ہوتے چلے جا رہے ہیں۔ لکھنے والوں نے اسے حسین اتفاق کہہ دیا ہے لیکن کیا ایک عملی کارنامے کو صرف اتفاق کہا جا سکتا ہے ؟ اور وہ بھی ایسی صورتحال میں جب چین امریکہ کے گلے تک پہنچ چکا تھا۔ چین ہی وہ واحد ملک ہے جو معیشت کے استحکام کی بدولت دنیا میں امریکہ کہ بعد دوسرے نمبر پر پہنچ چکا ہے ۔ امریکہ میں بیٹھے ہوئے اپنے آپ کو زمینی خدا سمجھنے والے بھلا کیسے چین کو دنیا میں اپنے سے اوپر دیکھ سکتے ہیں ۔

بہت ممکن ہے مذکورہ بالا سارے اندازے ابہام ہوں ، لیکن ہمیشہ پہل امریکہ نے کی ہے اور پھر بھرپور جوابی کاروائی چین نے کی ہے ۔ ہمیں یقین ہے چین بغیر کسی بیرونی مدد کے اس بحران سے نمٹ لے گا ،پاکستان نے اپنی ہر ممکن معاونت کا یقین دلا رکھا ہے اور چین نے پاکستان کے اقدامات پر شکریہ و اطمنان کا بھی خوب اظہار کیا ہے ۔ چین اپنے طور سے یہ جاننے کی ہر ممکن کوشش کرے گا کہ مذکورہ فلم سے اس جرثومے کا کہیں کوئی تعلق تو نہیں ہے اور اگر انہیں کہیں اسے کچھ ثبوت میسر آگئے تو پھر جوابی کاروائی میں امریکہ کو اپنا منہ چھپانا پڑ سکتاہے ۔

Read all Latest politics news in Urdu at urdutahzeeb.com. Stay updated with us for Daily urdu news from politics and more news in Urdu. Like and follow us on Facebook

Title: Coronavirus sends chinas economy in icu in Urdu | In Category: سیاسیات Politics Urdu News
What do you think? Write Your Comment

Leave a Reply

Your email address will not be published.